قوعام • 26 قاراشا، 2020

ساپارحان وماروۆ ۇەۇ وكىلدەرىمەن كەزدەسۋ وتكىزدى

11 رەت كورسەتىلدى

"قوعام جانە مەملەكەت: "Birgemiz" سەرىكتەستىك پەن دامۋدىڭ 30 جىلى" IX ازاماتتىق فورۋمى اياسىندا اۋىل شارۋاشىلىعى ءمينيسترى ساپارحان وماروۆ "قازاقستاننىڭ اوك ەكسپورتتىق ساياساتىن جاڭعىرتۋ" تاقىرىبىندا ۇكىمەتتىك ەمەس ۇيىم وكىلدەرىمەن ونلاين-كەزدەسۋ وتكىزدى، دەپ حابارلايدى Egemen.kz.

ء ىس-شاراعا قازاقستان ازاماتتىق اليانسىنىڭ پرەزيدەنتى بانۋ نۇرعازيەۆا، قر اشم اوك مەملەكەتتىك ينسپەكتسيا كوميتەتىنىڭ توراعاسى المابەك مارس جانە قر اشم ۆەتەريناريالىق باقىلاۋ جانە قاداعالاۋ كوميتەتى توراعاسىنىڭ مىندەتىن اتقارۋشى گۇلجان نۇرتازينا قاتىستى.

كەزدەسۋ بارىسىندا قر اشم باسشىسى قاتىسۋشىلاردان اۋىل شارۋاشىلىعى ونىمدەرىن ەكسپورتتاۋ سالاسىنداعى جەتىستىكتەردى، تۇيىتكىلدى ماسەلەلەردى جانە ولاردى شەشۋدىڭ ءتيىمدى جولدارىن تالقىلاۋعا شاقىردى.

سونداي-اق، مينيستر اوك ونىمدەرىن، ونىڭ ىشىندە قايتا وڭدەلگەن ونىمدەردى ەكسپورتتاۋ سالاسىنداعى اعىمداعى جاعدايدى اتاپ ءوتتى.

ساپارحان وماروۆتىڭ مالىمەتىنشە، 2019 جىلى اوك ونىمدەرىنىڭ ەكسپورتى $3،3 ملرد. اقش دوللارىن قۇراپ، بۇل 2015 جىلمەن سالىستىرعاندا 1،6 ەسەگە ارتتى. اوك وڭدەلگەن ءونىمىنىڭ ەكسپورتى بەس جىل ىشىندە 1،2 ەسە – $1،1 ملرد. اقش دوللارىنا دەيىن ۇلعايدى.

اعىمداعى جىلدىڭ 9 ايىندا قازاقستان شەتەلگە اۋىل شارۋاشىلىعى ءونىمىن $2،1 ملرد. اقش دوللارعا، ال وڭدەلگەن ءونىمدى – $892 ملن. اقش دوللارىنا دەيىن ساۋدالادى.

"جاڭا وتكىزۋ نارىقتارىن اشۋ ءۇشىن يمپورتتاۋشى ەلدەردىڭ فيتوسانيتاريالىق جانە ۆەتەريناريالىق تالاپتارىنان ءوتۋ، جەتكىزۋشىلەردىڭ شەتەلدىك تىزىمدەرىندەگى قازاقستاندىق كاسىپورىنداردىڭ تىزبەسىن كەڭەيتۋ بويىنشا جوسپارلى جۇمىس جۇرگىزىلۋدە. بۇل تىزىمدەرگە قازىردىڭ وزىندە 3182 قازاقستاندىق كاسىپورىن ەنگىزىلگەن. شەتەلدىك تىزىمدەردەگى كاسىپورىندار سانىن كوبەيتۋدى قر ۆەتەرينارلىق جانە فيتوسانيتارلىق قىزمەتىنىڭ كەپىلدىگى ەسەبىنەن جوسپارلاپ وتىرمىز"، - دەدى س.وماروۆ.

سونداي-اق س.وماروۆ قر اشم تۇراقتى تۇردە ەكسپورتقا رۇقسات بەرۋ قۇجاتتارىن رەسىمدەۋ مەرزىمدەرىنە، شەت مەملەكەتتەردىڭ ۋاكىلەتتى ۇيىمدارى قوياتىن اكىمشىلىك كەدەرگىلەرگە مونيتورينگ جانە باقىلاۋ جۇرگىزەتىنىن ايتتى.

جيىن بارىسىندا ا.مارس جانە گ. نۇرتازينا مال شارۋاشىلىعى مەن وسىمدىك شارۋاشىلىعى ونىمدەرىنىڭ ەكسپورتى تۋرالى قوسىمشا اقپارات بەردى.

كەزدەسۋگە قاتىسۋشىلار مۇددەلى مينيسترلىك وكىلدەرىنە سۇراقتارىن قويىپ اوك-دەگى ەكسپورتتىق ساياساتتى جاڭعىرتۋ تاقىرىبى بويىنشا پىكىر الماسىپ، ۇسىنىستارىن ورتاعا سالدى. ونلاين كەزدەسۋ سوڭىندا ساپارحان وماروۆ بارلىق ۇسىنىستاردى قر اۋىل شارۋاشىلىعى مينيسترلىگىنىڭ باسشىلىعى مەن قىزمەتكەرلەرى نازارعا الاتىنىن اتاپ ءوتتى.

سوڭعى جاڭالىقتار

«بارىس» «دينامونى» ۇتتى

سپورت • بۇگىن، 09:19

پنەۆمونيادان 2 ادام قايتىس بولدى

كوروناۆيرۋس • بۇگىن، 09:15

جۇرت پىكىرىن جەتە ەسكەرەدى

قوعام • بۇگىن، 08:42

«سارى ايماق» سالعان الەك

ايماقتار • بۇگىن، 08:38

شابىت شاقىرار ولكە

ونەر • بۇگىن، 08:23

تاشكەنتتە جارىق كورگەن «تەرمە»

رۋحانيات • بۇگىن، 08:22

جۇرەگى جۇمساق جەتىسۋلىقتار

قوعام • بۇگىن، 08:17

اگەنتتىك ايىپپۇل سالدى

ەكونوميكا • بۇگىن، 08:07

كاسىپكەرلەر ءۇمىت ارتىپ وتىر

ساياسات • بۇگىن، 07:54

ۇقساس جاڭالىقتار