جوبانىڭ ماقساتى – قازاقستانداعى ارحەولوگيالىق نىسانداردى ىزدەۋ ۇدەرىسىن جەدەلدەتۋ جانە اۆتوماتتاندىرۋ. ازىرلەۋشىلەردىڭ پىكىرىنشە, مۇنداي ىزدەۋ جۇيەسىن قۇرۋ ادام, ۋاقىت جانە اقشا رەسۋرستارىن وڭتايلاندىرۋعا, سونداي-اق كوپشىلىكتىڭ ارحەولوگياعا دەگەن قىزىعۋشىلىعىن تۋدىرادى.
"ادامدار ارحەولوگيا تۋرالى ەستىگەندە, ولار بىردەن قولىندا ءتىس ششەتكالارى بار, لاس جەردە وتىرعان عالىمداردى كوز الدىنا ەلەستەتەدى. بۇل وتە قىزىق, ويتكەنى بۇگىن ءبىزدىڭ سالادا كوپتەگەن جوعارى تەحنولوگيالار قولدانىلادى. ءبىز جۇمىس ىستەپ جاتقان جوبا قازاقستان ءۇشىن وتە قولايلى, ويتكەنى مۇندا كەڭىستىك كوپ, حالىق تىعىزدىعى تومەن جانە اعاشتار مەن وسىمدىكتەر تۇرعىسىنان توپىراق جامىلعىسى وتە ۇلكەن ەمەس", - دەيدى دوكتور پيۋ.
باستاپقى كەزەڭدە جەر بەتىن سكانەرلەيتىن جۇيە جوعارى دالدىكتەگى سۋرەتتەردى عالىمدارعا باعىتتايتىنداي ەتىپ ورناتىلادى. ولار دالادا تابىلعان ارحەولوگيالىق ەسكەرتكىشتەردى قۇجاتتايدى جانە ولاردى كەيدە عىلىمي قوعامداستىقتان گورى جاقسى بىلەتىن, جەرگىلىكتى تۇرعىنداردىڭ دەرەكتەرىمەن سالىستىرادى, - دەپ تۇسىندىرەدى ۇيىمداستىرۋشى.
ەكىنشى كەزەڭدە ينتەراكتيۆتى ۆەب-سايتتى ىسكە قوسۋ جوسپارلانۋدا, وندا قاراپايىم پايدالانۋشىلار ارحەولوگيالىق نىسانداردى انىقتاۋ پروتسەسىنە تارتىلادى.
"سايتقا كىرگەندەردىڭ ارقايسىسى پايدالانۋشى اتىن جاساي الادى جانە باسقارۋ جانە مونيتورينگ پانەلىنە كىرە الادى. وندا سپۋتنيكتەر تۇسىرگەن سۋرەتتەر ء"سىز مۇندا قىزىقتى ءبىر نارسەنى كورىپ تۇرسىز با؟» دەگەن سقراقتارمەن شىعادى. ەگەر پايدالانۋشى "جوق" دەپ جاۋاپ بەرسە, ەكراندا باسقا سۋرەتتەر كورسەتىلەدى. ەگەر پايدالانۋشى ء"يا" دەپ جاۋاپ بەرسە, وندا سۋرەت باسقا پايدالانۋشىلارعا كورسەتىلەدى. وسىلايشا, ەگەر بەلگىلى ءبىر سۋرەت كوپتەگەن وڭ جاۋاپتار السا, ارحەولوگيالىق جۇمىستارعا عالىمدار توبى جىبەرىلەدى. پروتسەسس قىزىقتى بولادى!", - دەپ قوسادى پروفەسسور پيۋ.
ونىڭ ايتۋىنشا, وسىعان ۇقساس جۇيە پەرۋ مەن ەگيپەتتە ءساتتى قولدانىلىپ كەلەدى. ال Google كومپانياسى ونى ادامنىڭ بەت-الپەتىن تانۋ فۋنكتسياسى ءۇشىن پايدالانادى. سونداي-اق عالىم 2016 جىلى قوستانايدا گەوگليف تابىلعان كەزدە ءوزىنىڭ تيىمدىلىگىن دالەلدەگەن سپۋتنيكتىك تەحنولوگيالاردىڭ جوعارى قۋاتتىلىعىن اتاپ ءوتتى. سول كەزدە جەرگىلىكتى عالىم Google كارتالارىن قولداندى.
