ايماقتار • 25 قاراشا، 2020

اۋىلدا امبۋلاتوريا اشىلدى

145 رەت كورسەتىلدى

تەمىر اۋدانىنداعى ءبىر اۋداندىق اۋرۋحانا، 5 دارىگەرلىك امبۋلاتوريا، 2 فەلدشەرلىك-اكۋشەرلىك جانە 16 مەديتسينالىق پۋنكت بولسا، ەندى سولاردىڭ قاتارى تاعى ءبىر ەمدەۋ مەكەمەسىمەن تولىقتى، دەپ حابارلايدى Egemen.kz

اۋدان ورتالىعىنان 50 شاقىرىم جەردە ورنالاسقان، التىقاراسۋ اۋىلدىق وكرۋگىنە قاراستى ەڭبەكشى ەلدى مەكەنىندەگى  2004 جىلى جابىلىپ قالعان جابىلىپ قالعان مەديتسينالىق امبۋلاتوريانى قايتا اشۋعا اۋىل تۇرعىندارى بىلتىر ء وتىنىش بىلدىرگەن ەدى.  ادام سانىنىڭ ازدىعىنان ەمدەۋ مەكەمەسى جابىلعان سوڭ  عيماراتى دا كۇتىمسىزدىكتەن ازىپ-توزىپ بارا جاتتى.  

بيىل جازدا وسى جەردە كۇردەلى جوندەۋ جۇمىستارى جۇرگىزىلدى. قۇرىلىس جۇمىستارىنا "جۇمىسپەن قامتۋدىڭ جول كارتاسى-2020" مەملەكەتتىك باعدارلاماسى بويىنشا اۋىلدىڭ جۇمىسسىز تۇرعىندارى تارتىلدى. بارلىق جوندەۋ  شىعىنى – 61 ميلليون تەڭگەگە اياقتالعان امبۋلاتورياعا زاماناۋي مەديتسينالىق جابدىقتار دا اكەلىندى. ەندى بۇل جەردە 3  فەلدشەر-اكۋشەر مەن مەدبيكە كۇنىنە 20 ادامعا دەيىن مەديتسينالىق كومەك كورسەتپەكشى.

"دارىگەرلىك كومەك الۋ ءۇشىن ەڭبەكشى اۋىلىنىڭ تۇرعىندارى التىقاراسۋعا، نە اۋدان ورتالىعى شۇبارقۇدىققا قاتىنايتىن. ەگدە جاستاعى ادامدار مەن جۇكتى كەلىنشەكتەرگە دارىگەرلىك تەكسەرىستەن وتۋگە قايتا-قايتا 6-70 شاقىرىم جەرلەگى اۋدان ورتالىعىنا قاتىناۋ قيىنعا ءتۇستى. ءوتىنىشىمىز قابىل بولىپ،  اۋىلىمىزدا اق حالاتتىلارىمىزدىڭ بولۋى بىزدەر ءۇشىن كوپ كومەك"، دەيدى اۋىل تۇرعىنى سايىن بورانقۇلوۆ. ەڭبەكشى اۋىلىنىڭ تۇرعىندارى امبۋلاتوريانىڭ اشىلۋ سالتاناتىندا قۇرىلىس جۇمىستارىن جۇرگىزگەن "تانا-پراكس" جشس باسشىسى جۇماتاي بەكسۇلتانوۆقا ريزاشىلىقتارىن ءبىلدىردى.

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار