سپورت • 25 قاراشا، 2020

قازاقستان چەمپيوناتىندا ارميا بالۋاندارى ەركىن كۇرەستەن ۇزدىك شىقتى

25 رەت كورسەتىلدى

الماتىدا وتكەن قازاقستان رەسپۋبليكاسىنىڭ چەمپيوناتىندا كۇرەس تۇرلەرىنەن ورتالىق سپورت كلۋبىنىڭ سپورتشى-نۇسقاۋشىلارى 6 مەدال جەڭىپ الدى، دەپ حابارلايدى Egemen.kz.

ءتۋرنيردىڭ العاشقى مەدالدارىن الۋعا ەركىن كۇرەستەن باق سىناستى. داۋلەت تەمىرجانوۆ 57 كەلىگە دەيىنگى سالماقتا، داۋلەت نيازبەكوۆ 65 كەلىگە دەيىنگى سالماقتا جانە قاتارداعى جاۋىنگەر نۇرقوجا قايپانوۆ 74 كەلىگە دەيىنگى سالماقتا ەل بىرىنشىلىگىنىڭ چەمپيوندارى اتاندى.

ەفرەيتور ەرالى ابدىراشەۆ 92 كەلى سالماق دارەجەسىندە چەمپيوناتتىڭ كۇمىس جۇلدەگەرى اتاندى، لەيتەنانت ادىلەت داۋلەمباەۆ پەن قاتارداعى جاۋىنگەر نۇرداۋلەت كوكتەۋباەۆ 86 كەلىگە دەيىنگى سالماق دارەجەسىندە ونەر كورسەتكەن قازاقستان قارۋلى كۇشتەرىنىڭ قورجىنىنا قولا مەدال اكەلدى.

«جارىس جوعارى دەڭگەيدە وتۋدە. بۇل تۋرنير COVID-19 كوروناۆيرۋستىق ينفەكتسيا پاندەمياسىنان كەيىن ارميا بالۋاندارى ءۇشىن العاشقى ماڭىزدى جارىس بولدى. ەگەر ەركىن كۇرەس تۋرالى ايتاتىن بولساق، وندا ءبىزدىڭ سپورتشىلارىمىزدىڭ ونەر كورسەتۋى مەنى قۋانتتى. اسكەريلەر جىل سايىن ەل بىرىنشىلىگىندە كوپتەگەن مەدالداردى جەڭىپ الادى»، - دەدى قازاقستان رەسپۋبليكاسى قورعانىس مينيسترلىگىنىڭ سپورت كلۋبى - ورتالىق سپورت كلۋبىنىڭ وليمپيادالىق سپورت تۇرلەرى بويىنشا شتاتتىق كوماندالاردى دايارلاۋ ءبولىمىنىڭ باستىعى مايور ءانۋار ۇسەنوۆ.

سوڭعى جاڭالىقتار

سقو «قىزىل ايماققا» ەندى

ايماقتار • كەشە

ۇقساس جاڭالىقتار