ايماقتار • 25 قاراشا، 2020

قىزىلوردالىق كاسىپكەر 400 ورىندىق جاتاقحانا سالدى

14 رەت كورسەتىلدى

قىزىلوردالىق كاسىپكەر ساعي Cۇيەنىش "قاراپايىم زاتتار ەكونوميكاسى" باعدارلاماسى اياسىندا 400 ورىنعا ەسەپتەلگەن ستۋدەنتتىك جاتاقحانا سالدى. باعدارلاما شەڭبەرىندە الىنعان كرەديت 210 ملن تەڭگە، دەپ حابارلايدى Egemen.kz قىزىلوردا وبلىسى اكىمىنىڭ ءباسپاسوز قىزمەتىنە سىلتەمە جاساپ.

زاماناۋي تالاپتارعا ساي سالىنعان ستۋدەنتتەر ءۇيىنىڭ ءار بولمەسىندە سانيتارلىق توراپ، جۋىناتىن بولمە بار. ءبىر بولىمدە ەكى جاتىن بولمە بار. ارقايسىسىندا 4 ادام ورنالاسادى. سونىمەن قاتار، گاز پليتا، توڭازىتقىش، اس ءۇي ۇستەلىمەن جابدىقتالعان تاماق دايىنداۋعا ارنالعان ارنايى بولمە بار. سونىمەن قاتار، مەديتسينالىق قىزمەت كورسەتۋ، تەلەديدار كورۋ، كىر جۋ، ۇتىكتەۋ بولمەلەرى بار.

"جاتاقحانا قۇرىلىسىنىڭ نەگىزگى ماقساتى – باسقا قالالار مەن اۋدانداردان كەلگەن ستۋدەنتتەردىڭ تۇرۋى ءۇشىن الەۋمەتتىك-تۇرمىستىق جاعدايلار جاساۋ. مەن بۇل جوبانى 2018 جىلى قىزىلوردا وبلىسى كاسىپكەرلەر پالاتاسىنىڭ قولداۋىمەن باستادىم. ۇلكەن اسحانادان باسقا جاتاقحانانىڭ ءار قاباتىندا شاعىن اسحانا بولمەلەرى بار. سونداي-اق ستۋدەنتتەر وزدەرىنىڭ بوس ۋاقىتىن تومەنگى قاباتتا ورنالاسقان سپورت جانە ترەناجەر زالىندا وتكىزۋگە مۇمكىندىگى بار"، — دەدى ساعي Cۇيەنىش.

جاتاقحانا wi-fi-مەن قامتاماسىز ەتىلگەن، كوۆوركينگ - ورتالىق، كىتاپحانا، ينتەرنەت-ورتالىق جۇمىس ىستەيتىن بولادى.

"ستۋدەنتتەر ءۇيى 5 قاباتتى عيماراتتا ورنالاسقان. 3 قابات جاتاقحانا ماقساتىندا، 2 قابات كوممەرتسيالىق ماقساتتا قولدانىلادى. اتالعان اۋماقتا اسحانا، فيتنەس، ترەناجەر زالى، مونشا، شاشتاراز جانە كەڭسەلەرگە ارنالعان الاڭدار ورنالاسقان"، — دەدى كاسىپكەر.

كاسىپكەر شىعىنداردىڭ ءبىر بولىگىن مەملەكەتتىك-جەكەشەلىك ارىپتەستىك شەڭبەرىندە وتەي الادى. ول ءۇشىن 2019 جىلى مەملەكەتتىك-جەكە مەنشىك ارىپتەستىك ورتالىعىمەن شارت جاساستى.

ەسكە سالايىق، «قاراپايىم زاتتار ەكونوميكاسى» باعدارلاماسى اياسىندا وبلىس بويىنشا جالپى سوماسى 16،5 ملرد.تەڭگە قۇرايتىن 160 جوبا بار. ونىڭ ىشىندە: 110 جوبانى (9،0 ملرد تەڭگە) بانكتەر مەن اگرارلىق-كرەديتتىك كورپوراتسيا ماقۇلدادى. 10 جوبا (5،6 ملرد تەڭگە) – قارجى ينستيتۋتتارىنىڭ قاراۋىندا. قالعاندارى بويىنشا قۇجاتتار پاكەتى قالىپتاستىرىلۋدا.

سوڭعى جاڭالىقتار

الەم كۋبوگى وتەدى

سپورت • كەشە

ۇقساس جاڭالىقتار