قوعام • 25 قاراشا، 2020

پروباتسيا ەسەبىندە تۇرعان ازامات ءوز كاسىبىن اشتى

25 رەت كورسەتىلدى

اقتوبەلىك سوتتالعان ازامات پروباتسيا قىزمەتكەرىنىڭ قولداۋىمەن قايتارىمسىز نەسيە ۇتىپ، كاسىپ اشتى، دەپ حابارلايدى Egemen.kz Polisia.kz سايتىنا سىلتەمە جاساپ.

اقتوبە وبلىسى بويىنشا قاج دەپارتامەنتىنە قاراستى تەمىر اۋداندىق پروباتسيا قىزمەتى “اتامەكەن” قر ۇكپ-نىڭ “بيزنەس باستاۋ” جوباسى بويىنشا جىل باسىنان باستاپ، پروباتسيا ەسەبىندە تۇرعان ءتورت سوتتالعان ازاماتتى كاسىپكەرلىك نەگىزدەرىندە ءبىلىمىن جەتىلدىرۋگە ارنالعان تەگىن وقۋ كۋرستارىنا جولدادى.

كۇنى بۇگىن سوتتالعانداردىڭ بىرەۋى وقۋىن جالعاستىرىپ كەلەتىن بولسا، قالعان ءۇش سوتتالعان “بيزنەس باستاۋ” جوباسى بويىنشا وقۋ كۋرسىن ءساتتى اياقتاپ، سەرتيفيكاتقا قول جەتكىزىپ، مال شارۋاشىلىعىن دامىتىپ وتىر.

"ونلاين كۋرسى ناتيجەسىندە، ءبىر سوتتالعان 555 مىڭ تەڭگە كولەمىندەگى قايتارىمسىز نەسيە ۇتىپ، وعان 14 باس ۇساق مال ساتىپ السا، ەكىنشى سوتتالعان 2،5 ملن تەڭگە كولەمىندە ۇتىپ العان شاعىن نەسيەگە ءىرى قارا مال ساتىپ الىپ، مال باسىن كوبەيتىپ وتىر. ءۇشىنشى سوتتالعان 555 مىڭ تەڭگە كولەمىندەگى قايتارىمسىز نەسيەگە مال سوياتىن قۇرال-جابدىق پەن ءىرى قارا مالىن ساتىپ الىپ، كاسىبىن دوڭگەلەتىپ وتىر. پروباتسيا قىزمەتكەرلەرىمەن سوتتالعان ازاماتتارعا كورسەتىلەتىن وسىنداي ءىس-شارالار ولاردىڭ كاسىبىن دامىتا وتىرىپ، وتباسىلارىن اسىراۋعا جانە قوعامعا تەز بەيىمدەلىپ، ءتۇزۋ جولعا تۇسۋلەرىنە ىقپالىن تيگىزەتىنىنە سەنىمدىمىز"، – دەيدى تەمىر اۋداندىق پروباتسيا قىزمەتىنىڭ اعا ينسپەكتورى حامزات وتارباەۆ.

سوڭعى جاڭالىقتار

قالامگەرگە قۇرمەت

رۋحانيات • بۇگىن، 18:13

الماتى «قىزىل» ايماققا كىردى

ايماقتار • بۇگىن، 16:50

اقتاۋدا بۋىنسىز بالا تۇرادى

ۆيدەو • بۇگىن، 16:04

iPhone 12 دەنساۋلىققا زيان دەپ تانىلدى

تەحنولوگيا • بۇگىن، 15:38

ۇقساس جاڭالىقتار