پارلامەنت • 25 قاراشا، 2020

ن. نىعماتۋلين: "Nur Otan" پارتياسىنىڭ جاڭا باعدارلاماسى تابىستى رەفورمالاردىڭ جالعاسى

15 رەت كورسەتىلدى

پارلامەنت ءماجىلىسىنىڭ توراعاسى، ماجىلىستەگى "Nur Otan" پارتياسى فراكتسياسىنىڭ جەتەكشىسى نۇرلان نىعماتۋلين پارتيانىڭ جاڭا باعدارلاماسى تۋرالى ءوز پىكىرىن ءبىلدىردى، دەپ حابارلايدى Egemen.kz.

"ەلىمىزدەگى نەگىزگى جانە ساياسي جەتەكشى ۇيىم «Nur Otan»پارتياسى تاعى ءبىر ەلەۋلى كەزەڭدى تابىستى اياقتاپ، جاڭا بەلەسكە قادام باستى. بۇل تاريحي ۋاقىت. ارينە، «Nur Otan» پارتياسىنىڭ ءاربىر تاريحي ءساتى، ءاربىر جەڭىسى، ءاربىر تابىسى ەڭ الدىمەن، تۇڭعىش پرەزيدەنتىمىز، پارتيا كوشباسشىسى نۇرسۇلتان ءابىش ۇلى نازارباەۆتىڭ اتىمەن بايلانىستى.  

سەبەبى، نۇروتاندىقتار، ەلباسىنىڭ بىلىكتى باسشىلىعىنىڭ، كەمەل ساياساتىنىڭ جانە ۇيىمداستىرۋشىلىق شەبەرلىگىنىڭ ارقاسىندا ارقاشاندا ەلمەن، حالىقپەن بىرگە بولىپ، اسا جاۋاپتى مىندەتتەردى ابىرويمەن اتقارىپ كەلەدى. بارلىق ۋاقىتتا پارتيا الدىنا ۇزاقمەرزىمدى ستراتەگيالىق مىندەتتەر قويىلىپ، ولار ءساتتى جۇزەگە اسىرىلدى.

«Nur Otan» پارتياسىنىڭ جەتىستىگى - مەملەكەتىمىزدىڭ تۇراقتى دامۋىن، ازاماتتارىمىزدىڭ ساپالى ءومىر ءسۇرۋىن قامتاماسىز ەتتى. وسى تابىستارىمىزدى ودان ءارى جالعاستىرۋ ماقساتىندا «Nur Otan» پارتياسىنىڭ «وزگەرىستەر جولى: ءار ازاماتقا لايىقتى ءومىر» اتتى جاڭا سايلاۋالدى باعدارلاماسى قابىلداندى.  

بۇل باعدارلاما – باي تاجىريبەلەردى، شىنايى مۇمكىندىكتەردى، ناقتى جوسپارلاردى قامتىعان، ابدەن جەتىلگەن، الەۋمەتتىك-ەكونوميكالىق، ساياسي ماڭىزدى قۇجات. ول - بارشاعا تەڭ مۇمكىندىك، زياتكەر، سالاماتتى جانە ىجداعاتتى ۇلت، ورنىقتى ەكونوميكا، حالىققا ەسەپ بەرەتىن مەملەكەت جانە جاۋاپتى ازاماتتار سياقتى ۋاقىت تالابىنان وتكەن، كەز-كەلگەن زاماناۋي قاجەتتىلىكتەرگە جاۋاپ بەرە الاتىن اۋقىمدى باعىتتاردى قامتىعان. مەملەكەت باسشىسى قاسىم-جومارت كەمەل ۇلى توقاەۆ اتاپ وتكەندەي، پارتيا ازىرلەگەن 2025 جىلعا دەيىنگى سايلاۋالدى تۇعىرناما – بۇگىنگى كۇننىڭ كۇردەلى احۋالىنا قاتىستى وبەكتيۆتى كوزقاراس.

سوندىقتان «Nur Otan»پارتياسى كەزەكتى سايلاۋالدى باعدارلاماسىن جاريالاي وتىرىپ، ەلىمىزدى ودان ءارى وركەندەتۋگە، زاڭدىلىق پەن ءتارتىپتى ساقتاۋعا، ۋاقىتشا قيىندىقتى ەڭسەرىپ، حالىقتىڭ ءال-اۋقاتىن كۇشەيتۋگە جاڭا جول سالىپ وتىر. بۇل جول ارينە، بارشا قازاقستاندىقتاردىڭ، پارتيامىزدىڭ بارلىق جاقتاستارىنىڭ جۇرەگىنەن ورىن الاتىنى ءسوزسىز"، دەلىنگەن حابارلامادا.

سوڭعى جاڭالىقتار

قالامگەرگە قۇرمەت

رۋحانيات • بۇگىن، 18:13

الماتى «قىزىل» ايماققا كىردى

ايماقتار • بۇگىن، 16:50

اقتاۋدا بۋىنسىز بالا تۇرادى

ۆيدەو • بۇگىن، 16:04

iPhone 12 دەنساۋلىققا زيان دەپ تانىلدى

تەحنولوگيا • بۇگىن، 15:38

ۇقساس جاڭالىقتار