قوعام • 25 قاراشا، 2020

"ورتالىق ازيا - كورەيا رەسپۋبليكاسى" ىنتىماقتاستىعىنىڭ كەزەكتى فورۋمى ءوتتى

5 رەت كورسەتىلدى

سىرتقى ىستەر ءمينيسترى مۇحتار تىلەۋبەردى باستاعان قازاقستاندىق دەلەگاتسيا «ورتالىق ازيا - كورەيا رەسپۋبليكاسى» ىنتىماقتاستىق فورۋمىنىڭ 13-ءشى وتىرىسىنا قاتىستى. ءىس-شاراعا كورەيا رەسپۋبليكاسىنىڭ سىرتقى ىستەر ءمينيسترى كان گيون حۆا، تاجىكستاننىڭ - سيرودجيددين مۋحريددين، تۇرىكمەنستاننىڭ - راشيد مەرەدوۆ، وزبەكستاننىڭ - ابدۋلازيز كاميلوۆ جانە قىرعىزستان سىرتقى ىستەر ءمينيسترىنىڭ ءبىرىنشى ورىنباسارى نۇرلان نيازاليەۆ قاتىستى، دەپ حابارلايدى Egemen.kz.

ءسىم باسشىلارى دەنساۋلىق ساقتاۋ، قاشىقتىقتان ءبىلىم بەرۋ، ستاندارتتاۋ جانە قورشاعان ورتا سالالارىنداعى ىنتىماقتاستىق ماسەلەلەرىن تالقىلادى.

دەنساۋلىق ساقتاۋ سالاسىندا دەلەگاتسيالار اراسىندا COVID-19 پاندەمياسىمەن كۇرەستەگى ءتيىمدى ءوزارا ءىس-قيمىلعا، ونىڭ ءوڭىر ەكونوميكاسى ءۇشىن تەرىس سالدارىن ەڭسەرۋگە جانە سىرتقى ەكونوميكالىق قىزمەتتى جانداندىرۋعا قاتىستى پىكىر الماسىلدى.

سونداي-اق، تاراپتار قاشىقتىقتان ءبىلىم بەرۋ، وقىتۋشىلار قۇرامىنىڭ بىلىكتىلىگىن ارتتىرۋ، كەلۋلەرگە مونيتورينگ جۇرگىزۋ جانە ءبىلىم بولىمدەرىن جۇرگىزۋ ماسەلەلەرىن قوزعادى. موتيۆاتسيانىڭ مازمۇنى مەن جۇيەسىنە ەرەكشە نازار اۋدارىلدى. وتىرىسقا قاتىسۋشىلار تسيفرلىق تەحنولوگيالاردى قولدانا وتىرىپ، ءبىلىم بەرۋ باعدارلامالارىن ىسكە اسىرۋ تاجىريبەسىمەن الماسۋعا كەلىستى.

تەحنيكالىق ستاندارتتاۋ سالاسىندا دەلەگاتسيا باسشىلارى ساۋداداعى تەحنيكالىق كەدەرگىلەردى جويۋ، ءونىمنىڭ ساپاسى مەن باسەكەگە قابىلەتتىلىگىن ارتتىرۋ، سونداي-اق ورتالىق ازيا ەلدەرى مەن كورەيا رەسپۋبليكاسىنىڭ ۇلتتىق ستاندارتتارىن تالقىلادى.

فورۋمعا قاتىسۋشىلار جاسىل ەكونوميكاعا، قورشاعان ورتا مەن تابيعي رەسۋرستارعا جۇكتەمەنى ازايتۋ جولىندا تەرەڭ جۇيەلى وزگەرىستەر جاساۋ قاجەتتىلىگى تۋرالى ورتاق پىكىرگە كەلدى.

ورتالىق ازيا ەكونوميكاسىن جاڭعىرتۋ اسپەكتىسىندە كورەيا رەسپۋبليكاسىنىڭ ەكونوميكالىق جانە تەحنولوگيالىق الەۋەتى قىزىعۋشىلىق تۋدىرادى. ءبىزدىڭ ەلدەرىمىزدىڭ الەۋمەتتىك-ەكونوميكالىق جاعدايىنا زالالدى ازايتۋ ماقساتىندا فورۋمنىڭ كۇش-جىگەرىن ساۋدا-ەكونوميكالىق ءوزارا ءىس-قيمىلدى قالپىنا كەلتىرۋگە باعىتتاۋ تۋرالى شەشىم قابىلداندى. قاتىسۋشىلار كوپجاقتى ءوزارا ءىس-قيمىلدىڭ ستراتەگيالىق ماڭىزدى باعىتتارىنا نازار اۋدارۋعا نيەتتى.

سونداي-اق فورۋم اياسىندا ونلاين-فورماتتا ورتالىق ازيا ەلدەرىنىڭ ساۋدا-ونەركاسىپ پالاتالارى مەن كورەي ساۋدا جونىندەگى حالىقارالىق قاۋىمداستىعىنىڭ (KITA) قاتىسۋىمەن ىسكەرلىك كەڭەستىڭ ءبىرىنشى وتىرىسى وتۋدە.

جالپى، ورتالىق ازيا مەملەكەتتەرى مەن كورەيا رەسپۋبليكاسى اراسىنداعى كوپجوسپارلى ىنتىماقتاستىقتى ءوزارا قۇرمەت پەن پايدا نەگىزىندە جانداندىرۋ ءوڭىردىڭ ورتاق مۇددەلەرىنە جاۋاپ بەرەدى جانە ورنىقتى دامۋدىڭ ماڭىزدى فاكتورى بولادى.

فورۋم قورىتىندىسى بويىنشا ورتالىق ازيا مەن كورەيا رەسپۋبليكاسى سىرتقى ىستەر مينيسترلەرىنىڭ بىرلەسكەن مالىمدەمەسى قابىلداندى.

سوڭعى جاڭالىقتار

الەم كۋبوگى وتەدى

سپورت • كەشە

ۇقساس جاڭالىقتار