"قارجىنى جانە جاردەماقىنى نەگىزسىز, وڭدى-سولدى تاراتۋدى دوعارۋ قاجەت. مەملەكەت اتاۋلى كومەكتى شىن مانىندە مۇقتاج ادامدارعا بەرۋ كەرەك. ەڭ باستىسى - الەۋمەتتىك ادىلدىك. سول سەبەپتى مۇقتاج جاندارعا قامقورلىق جاساۋعا باسا ءمان بەرىلەدى. الەۋمەتتىك ساياساتتى جۇرگىزگەندە قيىندىققا تاپ بولعان ازاماتتارعا اتاۋلى كومەك كورسەتۋ شارالارى كۇشەيتىلەدى", دەدى پرەزيدەنت.
ونىڭ ايتۋىنشا, الداعى 5 جىل ىشىندە الەۋمەتتىك تولەمدەردى جىل سايىن يندەكستەۋ ءۇشىن 3 ترلن تەڭگەدەن استام قاراجات بولىنەدى.
"ورتاق زەينەتاقى مولشەرى دە جىل سايىن يندەكستەلەدى. ءبىز مۇنى ينفلياتسيا دەڭگەيىنە 2 پايىز قوسىپ جۇزەگە اسىرۋدى ۇسىنىپ وتىرمىز", دەدى مەملەكەت باسشىسى.
