جۋالى اۋدانىندا اۋىل شارۋاشىلىعى سالاسى ىلگەرىلەۋدە

اۋداندا وتكەن 9 اي ىشىندە 23 ميلليارد 205 ميلليون تەڭگەنىڭ اۋىل شارۋاشىلىعى ءونىمى وندىرىلگەن. ونىڭ ىشىندە وسىمدىك شارۋاشىلىعى ءونىمى 12 ميلليارد 686 ميلليون تەڭگەدەن, ال مال شارۋاشىلىعى 13 ميلليارد تەڭگەدەن اسقان. اۋداندا اۋىل شارۋاشىلىعى ماقساتىنداعى جەر 210 مىڭ 772 گەكتاردى قۇرايدى. ونىڭ ىشىندە ەگىستىك جەرلەر 95 004, سۋارمالى جەرلەر 8708 جانە جايىلىم مەن شابىندىق جەرلەر 111 484 گەكتار بولادى. سونداي-اق, اكىم اۋداندا اعىمداعى جىلى جالپى ىشكى ءونىم كولەمى 43 ميلليارد 401 ميلليون تەڭگەنى قۇراعانىن, بۇل وتكەن جىلدىڭ وسى مەرزىمىمەن سالىستىرعاندا 20,5 پايىزعا ارتىق ەكەنىن ايتتى. ال, جالپى ىشكى ءونىم قۇرامىندا ونەركاسىپ ۇلەسى 18,2, اۋىل شارۋاشىلىعى 60,4, قۇرىلىس 9,4 جانە ساۋدا اينالىمى 12 پايىز ەكەنىن جەتكىزدى. «جۋالىداعى جۇرتتىڭ جاعدايىنىڭ جاقسارعانىنىڭ ءبىر بەلگىسى – جەكە تۇرعىن ءۇي سالۋى. ءزاۋلىم دە ەڭسەلى ءۇي سالۋعا ۇمتىلعاندار بيىلعى جىلدىڭ 9 ايىندا 9 846 شارشى مەتر بولاتىن جەكە تۇرعىن ءۇي تۇرعىزدى», دەدى نارباي ەرگەبەكوۆ.

جامبىل وبلىسى