ءوڭىر باسشىسى بەردىبەك ساپارباەۆتىڭ باستاماسىمەن اۋدان جانە قالا اكىمدەرى وبلىس ورتالىعىندا ءبىلىم الىپ جاتقان ستۋدەنتتەرمەن كەزدەسىپ, ولاردى كىندىك قانى تامعان اۋىلدا قىزمەت ەتۋگە شاقىرماق. جاقىندا بۇل باستامانىڭ تۇساۋىن سارسەن امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىنىڭ وقۋ عيماراتىندا زايسان اۋدانىنىڭ اكىمى الماس وڭداقانوۆ كەستى. وعان وقۋ وزاتتارى, بەلسەندى جاستار, ءتۇرلى زياتكەرلىك وليمپيادالار مەن جارىستاردىڭ جۇلدەگەرلەرى, وسكەمەن قالاسىنداعى جوعارى وقۋ ورىندارىندا ءبىلىم الىپ جاتقان ەڭ ۇزدىك 445 ستۋدەنت قاتىستى.
ءوڭىر باسشىسى بەردىبەك ساپارباەۆتىڭ باستاماسىمەن اۋدان جانە قالا اكىمدەرى وبلىس ورتالىعىندا ءبىلىم الىپ جاتقان ستۋدەنتتەرمەن كەزدەسىپ, ولاردى كىندىك قانى تامعان اۋىلدا قىزمەت ەتۋگە شاقىرماق. جاقىندا بۇل باستامانىڭ تۇساۋىن سارسەن امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىنىڭ وقۋ عيماراتىندا زايسان اۋدانىنىڭ اكىمى الماس وڭداقانوۆ كەستى. وعان وقۋ وزاتتارى, بەلسەندى جاستار, ءتۇرلى زياتكەرلىك وليمپيادالار مەن جارىستاردىڭ جۇلدەگەرلەرى, وسكەمەن قالاسىنداعى جوعارى وقۋ ورىندارىندا ءبىلىم الىپ جاتقان ەڭ ۇزدىك 445 ستۋدەنت قاتىستى.
العاشقى ءسوز كەزەگىن العان اۋدان اكىمى الماس وڭداقانوۆ اۋداننىڭ الەۋمەتتىك-ەكونوميكالىق دامۋى, دەموگرافيالىق جاعدايى جاستاردىڭ قولىندا ەكەندىگىنە توقتالدى. ءبىر سوزبەن ايتقاندا, ستۋدەنت جاستاردى ءوز ماماندىقتارى بويىنشا ءبىلىم الىپ, جوعارى وقۋ ورنىن تامامداعاننان كەيىن تۋعان جەرلەرىنە قىزمەت ەتۋگە شاقىردى. سونىمەن قاتار, كەزدەسۋگە زايسان اۋدانىندا تۋعان تانىمال جەرلەستەر قاتىستى. وبلىستىق «رۋدنىي التاي», «ديدار» گازەتتەرىنىڭ تىلشىلەرى شاكەرحان ازمۇحانبەتوۆ, داۋرەن اللابەرگەن, «وسكەمەن مەديتسينالىق كوللەدجى» مەملەكەتتىك قازىنالىق كوممۋنالدىق مەكەمەسىنىڭ ديرەكتورى ريشات قوجاسەيتوۆ, سامبو كۇرەسى بويىنشا قازاقستان رەسپۋبليكاسىنىڭ ەڭبەك سىڭىرگەن جاتتىقتىرۋشىسى ءجانادىل اتاەۆ, رەسپۋبليكاعا ايگىلى ءانشى, سازگەر ارىستانبەك كاكەەۆ سەكىلدى تانىمال اعا بۋىن وكىلدەرى بولدى. 140-قا تاياۋ الەم چەمپيوندارىن, وليمپيادا ويىندارىنىڭ جۇلدەگەرلەرىن دايىنداعان اتاقتى باپكەر ءجانادىل اتاەۆ ستۋدەنتتەردىڭ تۋعان ەلىنە بارىپ قىزمەت ەتۋى جاقسى باستاما, ولارعا تۇرعىن ءۇي, باسقا دا الەۋمەتتىك جاعدايلاردى جاساۋ اۋدان اكىمىنە بايلانىستى ەكەنىنە توقتالا كەتتى.
شىعىس قازاقستان مەملەكەتتىك ۋنيۆەرسيتەتىنىڭ پرورەكتورى باۋىرجان ەردەمبەكوۆ ءار سالاداعى بىلىكتى دە بىلگىر مامانداردى ۋنيۆەرسيتەت قابىرعاسىندا جوعارى دەڭگەيدە دايارلاپ, زايسان اۋدانىنا قىزمەت ەتۋگە جىبەرۋگە دايىن ەكەندىكتەرىن ايتتى. كەزدەسۋ بارىسىندا اۋدان اكىمىنە ءارتۇرلى فاكۋلتەتتەردىڭ ستۋدەنتتەرى, كافەدرا مەڭگەرۋشىلەرى ساۋالدار قويىپ, وي ءبولىستى.
كەزدەسۋ سازدى دا اسەم اۋەزدى شاعىن مەرەكەلىك كونتسەرتكە ۇلاستى.
وڭداسىن ەلۋباي,
«ەگەمەن قازاقستان».
وسكەمەن.
