قوعام • 24 قاراشا، 2020

نۇر-Cۇلتاندا جانۋارلاردى قورعاۋ جونىندەگى كەڭەس ءوز جۇمىسىن باستادى

6 رەت كورسەتىلدى

نۇر-Cۇلتاندا جانۋارلاردى قورعاۋ جونىندەگى قوعامدىق كەڭەس ءوز جۇمىسىن باستادى. قالالىق اكىمدىكتىڭ جانىنان قۇرىلعان كەڭەسكە جانۋارلاردى قورعاۋ ۇيىمدارىنىڭ وكىلدەرى، قوعام قايراتكەرلەرى، عالىمدار مەن ۆەتەرينارلار كىردى، دەپ حابارلايدى Egemen.kz ەلوردا اكىمىنىڭ ءباسپاسوز قىزمەتىنە سىلتەمە جاساپ.

كەڭەس مۇشەلىرىنىڭ ءبىرىنشى جينالىسىنا قالا اكىمى ورىنباسارى نۇرلان سولتامبەكوۆ توراعالىق ەتىپ، وندا مەكتەپ باعدارلاماسىنا جانۋارلارعا قامقورلىق تانىتۋدى ناسيحاتتايتىن «مەيىرىمدىلىك ساباقتارىن» ۇيىمداستىرۋ، جانۋارلاردى كاستراتسيالاۋ جانە زارارسىزداندىرۋ، يتتەر مەن مىسىقتارعا ارنالعان باسپانانى سەنىمگەرلىك باسقارۋعا بەرۋ جانە اقپاراتتاندىرۋ جۇمىستارىن كۇشەيتۋ ماسەلەلەرى قارالدى.

مۇندا جانۋارلار قۇقىعىن قورعاۋشىلار، ۆەتەريناريا قىزمەتكەرلەرى، اۋىل شارۋاشىلىق ۋنيۆەرسيتەتتەرىنىڭ وقىتۋشىلارى جانە تاجىريبەلى ۆەتەرينارلار ءوز ۇسىنىستارىن ورتاعا سالىپ، تاڭدالعان تاقىرىپ بويىنشا ءسوز سويلەدى.

«جانۋارلاردى قورعاۋعا، ولارعا مەيىرىمدىلىكپەن قاراۋعا ازاماتتار بالا كۇننەن ۇيرەنۋى كەرەك. ءبىز وتكەن جىلى مەكتەپتەردەگى اشىق ساباقتارعا قاتىسىپ، جانۋارلار تۋرالى پايدالى اقپارات بەرىپ، يتتەرمەن قالاي قارىم-قاتىناس جاساۋ كەرەكتىگىن كورسەتكەنبىز. بۇل بالالارعا ۇنادى. الداعى ۋاقىتتا وسىنداي ساباقتار اشىق ساباقتار نەگىزىندە ەمەس، مەكتەپ باعدارلاماسىنا ەنسە ەكەن دەيمىز»، دەدى «INUCOBO» جانۋارلاردى قورعاۋ قاۋىمداستىعىنىڭ پرەزيدەنتى ليليا سارسەنوۆا.

مۇنىمەن قوسا وتىرىستا قاڭعىباس يتتەر مەن مىسىقتار سانىنىڭ كوبەيۋى دە ءسوز بولدى. مەملەكەتتىك مەكەمە قىزمەتكەرلەرىنىڭ ايتۋىنشا، بۇعان ءوز جانۋارلارىنا جاۋاپسىزدىق تانىتىپ، ولاردى كوشەدە قالدىرعان ازاماتتار سەبەپشى. بۇل ماسەلەنىڭ الدىن وراۋ ءۇشىن قالادا 2017 جىلدان بەرى زارارسىزداندىرۋ شارالارى جۇرگىزۋلۋدە.

«ەلوردادا زارارسىزداندىرۋ بويىنشا 2018 جىلى - 500 جانۋار، 2019 جىلى – 1800 جانۋار، ال، 2021 جىلى 2500 يت پەن 1500 مىسىقتى زارارسىزداندىرۋ جوسپارلانىپ وتىر»، - دەپ قوستى قالالىق ورتا ساپاسى جانە باقىلاۋ باسقارماسىنىڭ باسشى ورىنباسارى ايدىن مولداعاليەۆ.

وتىرىس ناتيجەسى بويىنشا، الداعى ۋاقىتتا حالىق ىشىندە جانۋارلارعا جاۋاپكەرشىلىك تانىتۋعا قاتىستى اقپاراتتاندىرۋ جۇمىستارى كۇشەيتىلىپ، ء«ۇي جانۋارلارىنىڭ يدەنتيفيكاتسياسى» بويىنشا دەرەكتەر بازاسىن ودان ءارi جۇرگiزۋ مەن وندا انىقتالعان كەمشiلiكتەردi جويۋ جۇمىستارى اتقارىلاتىن بولادى.

ايتا كەتەيىك، كەڭەس مۇشەلەرى مۇنداي وتىرىستى ايىنا ءبىر رەت ۇيىمداستىرماق.

سوڭعى جاڭالىقتار

ىندەت جۇقتىرعاندار سانى كوبەيدى

كوروناۆيرۋس • بۇگىن، 13:58

سەمەيگە جاڭا اكىم تاعايىندالدى

تاعايىنداۋ • بۇگىن، 11:57

الماتىدا 10 كىتاپحانا جاڭارتىلدى

ايماقتار • بۇگىن، 10:47

قازاقستان «قىزىل» ايماققا كىردى

قازاقستان • بۇگىن، 09:30

ۇقساس جاڭالىقتار