قوعام • 24 قاراشا، 2020

شقو-دا 1713 ەڭبەك زاڭناماسىن بۇزۋشىلىق انىقتالدى

68 رەت كورسەتىلدى

شىعىس قازاقستان وبلىسىندا 10 ايدىڭ قورىتىندىسى بويىنشا 1713 ەڭبەك زاڭناماسىن بۇزۋشىلىق انىقتالدى.

بۇل تۋرالى «ANTIKOR LIVE» جوباسى اياسىندا «شىعىس – ادالدىق الاڭى» جوبالىق كەڭسەسىنىڭ ۇيىمداستىرۋىمەن وتكەن تىكەلەي ەفيردە شقو مەملەكەتتىك ەڭبەك ينسپەكتسياسى باسقارماسىنىڭ باسشىسى - شقو باس مەملەكەتتىك ەڭبەك ينسپەكتورى باقىتبەك قيزاتوۆ ايتىپ بەردى، دەپ حابارلايدى Egemen.kz.

شقو مەملەكەتتىك ەڭبەك ينسپەكتسياسى باسقارماسى 2020 جىلدىڭ 10 ايىندا كەلىپ تۇسكەن 1486 ءوتىنىشتىڭ 1252 – ءىن قارادى، ونىڭ 76-سى قۇزىرەتى جانە اۋماعى بويىنشا باسقا مەملەكەتتىك ورگاندارعا جولداندى، 96-سى قارالۋدا. قارالعان وتىنىشتەردىڭ جالپى سانىنان 841-نە جازباشا تۇسىنىكتەمە بەرىلدى (ونىڭ ىشىندە 396-سى شاعىن جانە ميكروكاسىپكەرلىك وتىنىشتەرى نەمەسە 47%). 330 تەكسەرۋ جۇرگىزىلدى، ونىڭ 15-ءى-پروفيلاكتيكالىق باقىلاۋ جانە قاداعالاۋ. 1713 ەڭبەك زاڭناماسىن بۇزۋشىلىق انىقتالدى، ونىڭ ىشىندە 984 ەڭبەك قاتىناستارى بويىنشا، ەڭبەك قاۋىپسىزدىگى جانە ەڭبەكتى قورعاۋ بويىنشا - 716 جانە حالىقتى جۇمىسپەن قامتۋ بويىنشا - 13 بۇزۋشىلىق. 204 ۇيعارىم بەرىلدى، ونىڭ ىشىندە ەڭبەك قاتىناستارى بويىنشا - 195، ەڭبەك قاۋىپسىزدىگى جانە ەڭبەكتى قورعاۋ بويىنشا - 9.

"مەملەكەتتىك ەڭبەك ينسپەكتورلارى جول بەرىلگەن ەڭبەك زاڭناماسىن بۇزعانى ءۇشىن 22،9 ملن تەڭگە سوماسىنا 164 زاڭدى جانە لاۋازىمدى تۇلعانى اكىمشىلىك جاۋاپكەرشىلىككە تارتتى، ونىڭ ىشىندە 15،7 ملن تەڭگە نەمەسە 69% ءوندىرىلدى. 2020 جىلدىڭ 10 ايىندا وندىرىستە 151 جازاتايىم وقيعا بولدى (2019 ج. - 157)، وندا 164 ادام زارداپ شەكتى، ونىڭ ىشىندە ولىممەن اياقتالعان - 21 جانە اۋىر اياقتالعان - 72. 9 دانا ستانوكتار، ماشينالار مەن جابدىقتاردىڭ جۇمىسى توقتاتىلدى، 33 لاۋازىمدى تۇلعا ەڭبەك مىندەتتەرىن ورىنداۋدان بوساتىلدى. 4 ارنايى تەرگەۋ ماتەريالدارى بويىنشا سوتقا دەيىنگى تەرگەۋ جۇرگىزىلۋدە. 27 كاسىپورىندا ەڭبەك قاۋىپسىزدىگى جانە ەڭبەكتى قورعاۋ جونىندەگى ستاندارتتار ەنگىزىلدى، 71 كاسىپورىن 346 وندىرىستىك وبەكتىلەردى جانە ەڭبەك جاعدايلارى زياندى جۇمىس ورىندارىن قامتي وتىرىپ، ەڭبەك جاعدايلارى بويىنشا اتتەستاتتاۋ وتكىزدى"، - دەپ اتاپ ءوتتى شقو باس مەملەكەتتىك ەڭبەك ينسپەكتورى باقىتبەك قيزاتوۆ.

سونىمەن قاتار باقىتبەك قيزاتوۆ ەڭبەك سالاسىنداعى ماسەلەلەردىڭ الدىن-الۋ بويىنشا اتقارىلىپ جاتقان شارالارمەن ءبولىستى.

"الەۋمەتتىك-ەڭبەك جانجالدارىنىڭ الدىن الۋ جانە بولدىرماۋ ماقساتىندا باسقارما كاسىپورىنداردا جالاقى تولەۋدىڭ ۋاقتىلىعى مەن تولىقتىعىنا كۇن سايىن مونيتورينگ جۇرگىزەدى، وتەۋ بويىنشا پروبلەمالىق ماسەلەلەر كاسىپورىندار باسشىلارىن شاقىرا وتىرىپ، داعدارىسقا قارسى شتابتار مەن الەۋمەتتىك ارىپتەستىك جونىندەگى ۇشجاقتى كوميسسيالاردىڭ وتىرىستارىندا قارالادى"، دەدى ول.

جالاقى بويىنشا بەرەشەكتى وتەۋ ماسەلەلەرى وبلىستىق داعدارىسقا قارسى شتابتىڭ 5 وتىرىسىندا (16 ناۋرىز، 24 ماۋسىم، 22 شىلدە،1 جانە 5 قازان)، الەۋمەتتىك ارىپتەستىك جونىندەگى وبلىستىق ۇشجاقتى كوميسسيانىڭ 2 وتىرىسىندا (6 تامىز، 8 قازان)، شىعىس قازاقستان وبلىسىنداعى احۋالدى بولجاۋ جانە باعالاۋ جونىندەگى مونيتورينگ توبىنىڭ 14 وتىرىسىندا جانە جالاقى بويىنشا بەرەشەكتى جويۋ جونىندەگى داعدارىسقا قارسى شتابتىڭ جۇمىس توبىنىڭ وتىرىسىندا قارالدى.

قابىلدانعان شارالاردىڭ ناتيجەسىندە 1 059،7 ملن تەڭگە سوماسىندا جالاقى بويىنشا بەرەشەك وتەلدى، بۇل رەتتە 185 كاسىپورىندا 7091 جۇمىسكەردىڭ قۇقىقتارى قورعالدى. وندىرىستىك جاراقاتتانۋ دەڭگەيى وتكەن جىلدىڭ سايكەس كەزەڭىمەن سالىستىرعاندا 5% - عا تومەندەدى.

ەڭبەك زاڭناماسىنىڭ بۇزىلۋىنا جول بەرمەۋ ماقساتىندا مەملەكەتتىك ينسپەكتورلاردىڭ كۇشىمەن 22 سەمينار، ونىڭ ىشىندە قر ەڭبەك زاڭناماسى بويىنشا بيزنەس-ترەنەر ن.ۆ. گيلەۆانىڭ ء(ال-فارابي ۋنيۆەرسيتەتىنىڭ حالىقارالىق قۇقىق كافەدراسىنىڭ دوتسەنتى، زاڭ عىلىمدارىنىڭ كانديداتى)، سونداي-اق «ەڭبەك رەسۋرستارى ورتالىعى» اق وكىلدەرى مەن وبلىستىڭ جۇمىس بەرۋشىلەرىنىڭ قاتىسۋىمەن 3 سەمينار وتكىزىلدى.

كاسىپورىندار ۇجىمدارىمەن جانە حالىقپەن 430-دان استام كەزدەسۋ وتكىزىلدى، وعان 14555-تەن استام ادام قاتىستى. جەكە ماسەلەلەر بويىنشا 2482 ادام قابىلداندى.

سوڭعى جاڭالىقتار

ىندەت جۇقتىرعاندار سانى كوبەيدى

كوروناۆيرۋس • بۇگىن، 13:58

سەمەيگە جاڭا اكىم تاعايىندالدى

تاعايىنداۋ • بۇگىن، 11:57

الماتىدا 10 كىتاپحانا جاڭارتىلدى

ايماقتار • بۇگىن، 10:47

ۇقساس جاڭالىقتار