"2020 جىلدىڭ 1 قاراشاسىنا قاراي بىرىڭعاي جيناقتاۋشى زەينەتاقى قورى سالىمشىلارىنىڭ شوتىندا 12,6 تريلليون تەڭگە زەينەتاقى جيناعى قالىپتاستى. ءبىر جىل ىشىندە ونىڭ سوماسى ەكى تريلليون تەڭگەدەن اسا نەمەسە 20% ءوستى", دەلىنگەن حابارلامادا.
زەينەتاقى جيناعىنىڭ نەگىزگى سوماسى مىندەتتى زەينەتاقى جارناسى ەسەبىنەن قۇرالدى, ونىڭ مولشەرى – 12,3 ترلن تەڭگە. مىندەتتى كاسىپتىك زەينەتاقى جارناسى بويىنشا – 305,7 ملرد تەڭگە, ال ەرىكتى زەينەتاقى جارناسى 2,16 ملرد تەڭگەگە جەتتى.
2020 جىلدىڭ باسىنان باستاپ 1 قاراشاعا دەيىنگى كەزەڭ ىشىندە بجزق سالىمشىلارىنىڭ شوتىنا 1,1 ترلن تەڭگە تازا ينۆەستيتسيالىق تابىس ەسەپتەلدى. وتكەن جىلمەن سالىستىرعاندا ەكى ەسە ارتىق.
2020 جىلدىڭ باسىنان بەرى سالىمشىلاردىڭ شوتىنا جالپى كولەمى 867,05 ملرد تەڭگە زەينەتاقى جارناسى اۋدارىلعان, ول 2019 جىلدىڭ 10 ايىنداعى كورسەتكىشتەن 67,1 ملرد تەڭگەگە نەمەسە 8% اسىپ ءتۇستى. تولەم 155,3 ملرد تەڭگەنى قۇرادى.
