"قازىر كوڭىل كۇيىم كوتەرىڭكى, دەنە قىزۋىم دا 36,6 بولىپ تۇر. ونىڭ باستى سەبەبى تەست ناتيجەسى تەرىسكە شىقتى. ەندى ۋكراينا پرەزيدەنتىنىڭ كەڭسەسى ورنالاسقان كوشەدە جۇمىس ىستەپ جاتىرمىز", دەيدى ۋكراينا پرەزيدەنتى.
ەستەرىڭىزگە سالا كەتەيىك, بۇعان دەيىن ۆ.زەلەنسكي 9 قاراشا كۇنى قاۋىپتى ىندەتتى جۇقتىرىپ العانىن حابارلاعان ەدى. ءدال وسى جايتتان كەيىن پرەزيدەنت كەڭسەسىنىڭ باسشىسى اندرەي ەرماك تا شالدىققان بولاتىن. ال 12 قاراشادا ونىڭ كەڭەسشىسى ميحايل پودولياك پرەزيدەنت پەن ەرماك كيەۆتەگى فەوفانيا اۋرۋحاناسىندا ەم-دوم قابىلداپ جاتقانىن مالىمدەدى. سونداي-اق بۇگىن ا.ەرماكتىڭ كوروناۆيرۋسقا قاتىستى تەست سىناماسى تەرىس شىققانىن, ول دا ادەتتەگىدەي جۇمىسىنا ورالعانىن ايتتى.
ەلدىڭ دەنساۋلىق ساقتاۋ مينيسترلىگى ۋكرايناداعى ىندەت كەزىندە 635 689 ادامدا كوروناۆيرۋس انىقتالسا, ونىڭ 291 060-ى جازىلىپ شىققان. ال 11 075-سىندە ءولىم جاعدايى تىركەلگەن.
