بۇعان دەيىن Hill گازەتى بايدەننىڭ مەملەكەتتىك حاتشى قىزمەتىنە كىمدى تاعايىندايتىنىن حابارلاپ, بۇل لاۋازىمعا بلينكەن وتىرۋى مۇمكىن ەكەنى ايتىلدى.
ABC News تەلەارناسى جانە بلۋمبەرگ اگەنتتىگى دە بلينكەننىڭ مەملەكەتتىك حاتشى لاۋازىمىنا تاعايىندالاتىنى تۋرالى اقپاراتتى جاريالادى. سونداي-اق, اگەنتتىكتىڭ مالىمەتىنشە, حيللاري كلينتوننىڭ بۇرىنعى كومەكشىلەرىنىڭ ءبىرى دجەيك سالليۆان پرەزيدەنتتىڭ ۇلتتىق قاۋىپسىزدىك جونىندەگى كومەكشىسى بولادى.
جەرگىلىكتى باق جاڭا تاعايىنداۋلار تۋرالى سەيسەنبى كۇنى جاريالاناتىنىن حابارلادى.
دەرەككوز مالىمەتىنشە, بايدەننىڭ كومەكشىسى رون كلاين اق ءۇيدىڭ اپپارات باسشىسى بولىپ تاعايىندالۋى مۇمكىن. بۇعان دەيىن ول كابينەتتىڭ ءبىرىنشى مۇشەلەرى تۋرالى تاعايىنداۋ سەيسەنبى كۇنى جاريالاناتىنىن مالىمدەگەن.
ال بلينكەن بۇرىن مەملەكەتتىك حاتشىنىڭ ءبىرىنشى ورىنباسارى بولعان. سونداي-اق مەملەكەتتىك حاتشى لاۋازىمىنا كانديدات رەتىندە سەناتورلار كريس كۋس پەن كريس مەرفي, مەملەكەتتىك حاتشىنىڭ بۇرىنعى ءبىرىنشى ورىنباسارى جانە اقش-تىڭ رەسەيدەگى ەلشىسى ۋيليام بەرنس, سونداي-اق پرەزيدەنت باراك وبامانىڭ قاۋىپسىزدىك جونىندەگى بۇرىنعى كەڭەسشىسى سيۋزان رايس تا بار.
