ايماق باسشىسى نەگىزگى تىرەك سالالارداعى دامۋ كورسەتكىشتەرگە توقتالىپ, مەملەكەتتىك باعدارلامالاردىڭ ورىندالۋ بارىسىن باياندادى.
يندۋستريالاندىرۋدىڭ ءۇشىنشى بەسجىلدىعى اياسىندا وڭىردە قۇنى 554 ملرد.تەڭگەدەن اساتىن 26 ينۆەستيتسيالىق جوبا ىسكە اسىرىلۋدا, بۇل شامامەن 7 مىڭ جۇمىس ورنىن قۇرۋعا مۇمكىندىك بەرەدى. باعدارلاما اياسىندا ارال اۋدانىندا تاۋارلى بالىقتى تەرەڭ وڭدەۋ تسەحى ىسكە قوسىلدى. وسى جىلدىڭ سوڭىنا دەيىن وسى اۋداندا تاعى ءبىر بالىق وڭدەۋ زاۋىتىن جانە كۆارتس قۇمدارىن بايىتۋ بويىنشا تاۋ-كەن بايىتۋ كومبيناتىنەنگىزۋ جوسپارلانۋدا.
ءىرى زاۋىتتاردىڭ اينالاسىندا ىلەسپە وندىرىستەر قۇرۋ ماسەلەسى پىسىقتالۋدا. اتاپ ايتقاندا, كەلەسى جىلى ىسكە قوسۋ جوسپارلانىپ وتىرعان شىنى زاۋىتىنىڭ اينالاسىندا كەمىندە 8 ءوندىرىس قۇرۋ كوزدەلگەن.
سپيكەر بيىل كۇرىشتىڭ ءار گەكتارىنا 61,8 تسەنتنەردەن ءونىم الىنىپ, 550 مىڭ توننادان استام ءونىم جينالىپ, جوعارى كورسەتكىشكە جەتكەندەرىن ايتتى. سىر ەلىنەنالعاش رەت گەرمانياعا 420 توننا قامىس, رەسەيگە جاڭا پىسكەن قىزاناق پەن مۇزداتىلعان كوكونىس جونەلتىلدى. جالپى الەمنىڭ 17 ەلىنە اۋىل شارۋاشىلىعى ونىمدەرىنىڭ 11 ءتۇرى ەكسپورتتالدى.
كۇرىش داقىلدارىن تۇراقتاندىرۋ جانە سۋدى از قاجەت ەتەتىن داقىلداردى كەڭەيتۋ تۋرالى شەشىم قابىلداندى. قازىرگى زامانعى سۋارۋ جۇيەلەرىنە: اكۆاگەلدەرگە, جاڭبىرلاتۋ, تامشىلاۋ جۇيەلەرىنە نازار اۋدارىلادى.جاڭاقورعان اۋدانىندا العاش رەت اكۆاگەلدەردى پايدالانا وتىرىپ, كۇزدىك بيداي 80 گا ەگىلدى, بۇل ورتا ەسەپپەن 18 تس/گا جيناۋعا مۇمكىندىك بەردى.
كولەمى 2,3 ملرد. تەكشە مەتر 6 سۋ قويماسىن سالۋ جوسپارلانۋدا. سونىمەن قاتار, قىزىلوردا جانە ايتەك سۋ توراپتارىن قايتا قۇرۋ, جيدەلى سۋ قويماسىن جوندەۋ, جالاعاش اۋدانىنداعى يرريگاتسيالىق جانە درەناج جۇيەسىن جەتىلدىرۋ بويىنشا ءىرى جوبالاردى ىسكە اسىرۋ باستالدى.
ءىرى قارا مال باسى 4,4% – عا, قوي مەن ەشكى – 5,5% – عا, جىلقى-8,5% - عا, تۇيە-5,3% - عا ءوستى. شالعايداعى مال شارۋاشىلىعىن دامىتۋ ماقساتىندا پايدالانىلمايتىن جايىلىمداردا 452 سۋ كوزىن جوندەۋ جوسپارلانۋدا. بۇل شامامەن 7 ملن. گا پايدالانۋعا مۇمكىندىك بەرەدى.
بالىق شارۋاشىلىعىن دامىتۋدىڭ وڭىرلىك باعدارلاماسى قابىلداندى, ونى ىسكە اسىرۋعا 28 ملرد.تەڭگە جۇمساۋ جوسپارلانىپ وتىر. 2030 جىلعا دەيىن باعدارلاما شەڭبەرىندە 55 تاۋارلى بالىق, 10 توعان جانە4 تور شارۋاشىلىعى قۇرىلاتىن بولادى.
بيزنەس-الەۋەتتى ارتتىرۋ ءۇشىن 2023 جىلعا دەيىنگى ەكونوميكالىق دامۋ كارتاسى ازىرلەندى, ونىڭ شەڭبەرىندە جالپى سوماسى 270 ملرد.تەڭگەگە 265 جوبانى ىسكە اسىرۋ جوسپارلانىپ وتىر, بۇل 4600-دەن استام تۇراقتى جۇمىس ورىندارىن قۇرۋعا مۇمكىندىك بەرەدى. بيىل 2 مىڭنان استام جاڭا جۇمىس ورنىن اشۋعا مۇمكىندىك بەرەتىن 110 جوبا ىسكە قوسىلدى.
بيزنەسكە كوپبالالى انالار دا تارتىلۋدا. "ەڭبەك" باعدارلاماسى بويىنشا
بيزنەس - يدەيالاردى ىسكە اسىرۋعا 602 كوپبالالى انا گرانت الدى.
اكىم كارانتيندىك شەكتەۋلەر كەزىندە شامامەن 54 مىڭ كاسىپكەر سالىق جەڭىلدىكتەرىن العانىن جانە 8,5 مىڭنان استامى ءمامس تولەۋدەن بوساتىلعانىن اتاپ ءوتتى. 9 مىڭ ساۋدا الاڭى 700 ملن.تەڭگەگە جۋىق سوماعا جالداۋ تولەمدەرىن تولەۋدەن بوساتىلدى, جىل سوڭىنا دەيىن مەملەكەتتىك مەنشىكتى جالعا الاتىن 194 شوب سۋبەكتىسى دە بوساتىلادى.
مەملەكەتتىك باعدارلامالاردى ىسكە اسىرۋ ناتيجەسىندە جىل باسىنان بەرى 19 مىڭعا جۋىق جاڭا جۇمىس ورنى قۇرىلدى, ونىڭ 14 مىڭى - تۇراقتى جۇمىس ورىندارى. جۇمىسپەن قامتۋدىڭ جول كارتاسى اياسىندا 277 ينفراقۇرىلىمدىق جوبانى ىسكە اسىرۋدىڭ ارقاسىندا 9,5 مىڭعا جۋىق ادام جۇمىسقا ورنالاستىرىلدى. جۇمىسسىزدىق دەڭگەيى 4,9% دەڭگەيىندە ساقتالۋدا.
COVID-ءتىڭ ەكىنشى تولقىنىنا دايىندىق جۇمىستارى كۇشەيتىلدى. قاجەتتىلىگىنە قاراي 21 ينفەكتسيالىق ستاتسيوناردا 3200 توسەك ورنىن دايىنداۋعا مۇمكىندىك بار.ءۇي جاعدايىندا امبۋلاتوريالىق قىزمەت كورسەتەتىن 138 مەديتسينالىق ءموبيلدى توپ جانە سانەپيد تالاپتارىنىڭ ساقتالۋىن باقىلايتىن 24 مونيتورينگتىك توپ جۇمىس ىستەيدى. 3600 مەديتسينا قىزمەتكەرىنەن كادرلىق رەزەرۆ قالىپتاستىرىلدى.
- ىندەتپەن كۇرەسۋ ءۇشىن وكپەنى جاساندى جەلدەتۋ (يۆل) اپپاراتىن 244-كە جەتكىزدىك. 9 پتر, 60 رەنتگەن اپپاراتى, 682 وتتەگى كونتسەنتراتورى بار. سونىمەن بىرگە ءدارى-دارمەكتىڭ ەكى ايلىق قورىن جاساقتادىق. تۇراقتاندىرۋ قورى ارقىلى دارىلىك زاتتاردى الۋعا 488 ملن.تەڭگەگە قارجى بولدىك. 200 توسەكتىك جاڭا مودۋلدىك ينفەكتسيالىق اۋرۋحانانىڭ قۇرىلىسى اياقتالادى, كوپبەيىندى وبلىستىق اۋرۋحانادا وتتەگى ستانتسياسى سالىنعان. اتالعان ستانتسيانىڭ قۇرىلىسى قازالى اۋدانارالىق اۋرۋحاناسىندا دا اياقتالۋدا, - دەدى وبلىس اكىمى.
بۇگىنگى تاڭدا 300 مەكتەپتىڭ 121-ءى ءداستۇرلى رەجيمدە جۇمىس ىستەيدى, 2000-نان استام كەزەكشى توپ اشىلدى, وندا 40 مىڭنان استام بالا وقيدى. اپاتتى مەكتەپتەردىڭ ورنىنا 3 جاڭا مەكتەپ سالىنۋدا. جەكە ينۆەستورلار ەسەبىنەن 300 جانە 500 ورىندىق تاعى 2 مەكتەپءتىڭ قۇرىلىسى جۇرۋدە.
ءوڭىر باسشىسى حالىقتى تۇرعىن ۇيمەن قامتاماسىز ەتۋ ماسەلەلەرىنە توقتالدى. وبلىستا 1946 پاتەرلى 98 تۇرعىن ءۇي سالىنۋدا, ونىڭ ىشىندە 696 پاتەرلىك 74 ءۇي جىل سوڭىنا دەيىن پايدالانۋعا بەرىلەدى. بايقوڭىر قالاسىندا قازاقستان ازاماتتارى ءۇشىن تۇرعىن ءۇي سالۋ پراكتيكاسىن جالعاستىرۋ جانە 2021 جىلى بەس 50 پاتەرلى ءۇيدىڭ قۇرىلىسىن باستاۋ جوسپارلانۋدا.
وبلىس حالقىنىڭ 97% ورتالىقتاندىرىلعان سۋمەن قامتاماسىز ەتىلگەن, 63% تابيعي گازدى تۇتىنۋ مۇمكىندىگىنە يە. جىل سوڭىنا دەيىن مۇنداي مۇمكىندىكتى حالىقتىڭ 70% الادى. سونىمەن قاتار, 498 شاقىرىمنان استام اۆتوجول, كوشەلەر مەن كوپىرلەر جوندەلدى.
سپورت سالاسىندا جىل سوڭىنا دەيىن بيۋدجەت ەسەبىنەن تاعى 12 جاڭا نىسان سالىنادى, ونىڭ ىشىندە بايداركا مەن كانوەدە ەسۋ بازاسى بار. ءمجا اياسىندا 5 دەنە شىنىقتىرۋ-ساۋىقتىرۋ كەشەنى سالىنۋدا.
العاش رەت "اباي" وپەراسى قويىلدى, ونلاين فورماتتا 2000-نان استام مادەني ءىس-شارالار ۇيىمداستىرىلدى.
بۇگىندە 700-گە جۋىق ەرىكتىلەردىڭ قوزعالىسى بار, ولار جالپى العاندا 1000-نان استام ءىس-شارا ۇيىمداستىردى.
