2013 جىلعى 3 قىركۇيەك, استانا, ۇكىمەت ءۇيى
«تەرروريستىك اكتسيالاردان زارداپ شەككەن ادامداردى الەۋمەتتىك وڭالتۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2003 جىلعى 21 قاڭتارداعى № 64 قاۋلىسىنا وزگەرىستەر ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «تەرروريستىك اكتسيالاردان زارداپ شەككەن ادامداردى الەۋمەتتىك وڭالتۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2003 جىلعى 21 قاڭتارداعى № 64 قاۋلىسىنا (قازاقستان رەسپۋبليكاسىنىڭ ءپۇاج-ى, 2003 ج., № 2, 26-قۇجات) مىناداي وزگەرىستەر ەنگىزىلسىن:
تاقىرىبى مىناداي رەداكتسيادا جازىلسىن:
«تەرروريزم اكتىسىنەن زارداپ شەككەن ادامداردى ەلەۋمەتتىك وڭالتۋدى جۇزەگە اسىرۋ قاعيدالارىن بەكىتۋ تۋرالى»;
1-تارماق مىناداي رەداكتسيادا جازىلسىن:
«1. قوسا بەرىلىپ وتىرعان تەرروريزم اكتىسىنەن زارداپ شەككەن ادامداردى الەۋمەتتىك وڭالتۋدى جۇزەگە اسىرۋ قاعيدالارى بەكىتىلسىن.»;
كورسەتىلگەن قاۋلىمەن بەكىتىلگەن تەرروريستىك اكتسيالاردان زارداپ شەككەن ادامداردى الەۋمەتتىك وڭالتۋ ەرەجەسى وسى قاۋلىعا قوسىمشاعا سايكەس جاڭا رەداكتسيادا جازىلسىن.
2. وسى قاۋلى العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
قازاقستان رەسپۋبليكاسى ۇكىمەتىنىڭ 2013جىلعى 3 قىركۇيەكتەگى № 910 قاۋلىسىنا قوسىمشا
قازاقستان رەسپۋبليكاسى ۇكىمەتىنىڭ 2003 جىلعى 21 قاڭتارداعى № 64 قاۋلىسىمەن بەكىتىلگەن
تەرروريزم اكتىسىنەن زارداپ شەككەن ادامداردى الەۋمەتتىك وڭالتۋدى جۇزەگە اسىرۋ
قاعيدالارى
1. جالپى ەرەجەلەر
1. وسى تەرروريزم اكتىسىنەن زارداپ شەككەن ادامداردى الەۋمەتتىك وڭالتۋدى جۇزەگە اسىرۋ قاعيدالارى (بۇدان ءارى – قاعيدالار) «تەرروريزمگە قارسى ءىس-قيمىل تۋرالى» 1999 جىلعى 13 شىلدەدەگى قازاقستان رەسپۋبليكاسىنىڭ زاڭىنا سايكەس ازىرلەندى جانە تەرروريزم اكتىسىنەن زارداپ شەككەن ادامداردى الەۋمەتتىك وڭالتۋدى جۇزەگە اسىرۋ ءتارتىبىن ايقىندايدى.
2. الەۋمەتتىك وڭالتۋ قازاقستان رەسپۋبليكاسى قىلمىستىق ءىس جۇرگىزۋ زاڭناماسىندا بەلگىلەنگەن تارتىپپەن تەرروريزم اكتىسىنەن زارداپ شەككەندەر دەپ تانىلعان (بۇدان ءارى – زارداپ شەككەندەر) قازاقستان رەسپۋبليكاسىنىڭ ازاماتتارىنا, شەتەلدىكتەر مەن ازاماتتىعى جوق ادامدارعا ۇسىنىلادى.
3. زارداپ شەككەندەردى ەلەۋمەتتىك وڭالتۋ قاجەتتى تەگىن قۇقىقتىق كومەك كورسەتۋدى, مەديتسينالىق جانە پسيحولوگيالىق وڭالتۋدى (بۇدان ءارى -الەۋمەتتىك وڭالتۋ) قامتيدى.
4. الەۋمەتتىك وڭالتۋدى تەرروريزمگە قارسى ءىس-قيمىلدى جۇزەگە اسىراتىن مەملەكەتتىك ورگاندار (بۇدان ءارى – مەملەكەتتىك ورگاندار) تەرروريزم اكتىسى جاسالعان ورىن نەمەسە زارداپ شەككەندەردىڭ تۇراتىن جەرلەرى بويىنشا رەسپۋبليكالىق جانە جەرگىلىكتى بيۋدجەتتە كوزدەلگەن قاراجات ەسەبىنەن جانە وسى قاراجات شەگىندە جۇزەگە اسىرادى.
5. شەت مەملەكەتتىڭ اۋماعىندا جاسالعان تەرروريزم اكتىسىنەن زارداپ شەككەندەر دەپ تانىلعان قازاقستان رەسپۋبليكاسىنىڭ ازاماتتارىن الەۋمەتتىك وڭالتۋ, ەگەر حالىقارالىق شارتتاردا وزگەشە بەلگىلەنبەسە, وسى قاعيدالاردا بەلگىلەنگەن تارتىپپەن جۇزەگە اسىرىلادى.
2. تەرروريزم اكتىسىنەن زارداپ شەككەن ادامداردى الەۋمەتتىك وڭالتۋدى جۇزەگە اسىرۋ ءتارتىبى
6. الەۋمەتتىك وڭالتۋدى جۇزەگە اسىرۋ ءۇشىن ادامداردى زارداپ شەككەندەر دەپ تانۋ تۋرالى قىلمىستىق پروتسەستى جۇرگىزەتىن ورگاننىڭ قاۋلىسى نەگىز بولىپ تابىلادى.
7. الەۋمەتتىك وڭالۋ ءۇشىن زارداپ شەككەندەر نەمەسە ونىڭ اتىنان جاقىن تۋىسقاندارى (زاڭدى وكىلى) تەرروريزمگە قارسى ءىس-قيمىل سالاسىنداعى قىزمەتتى ۇيلەستىرەتىن ۋاكىلەتتى مەملەكەتتىك ورگاننىڭ اۋماقتىق ورگانىنا (بۇدان ءارى – قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ اۋماقتىق ورگانى) زارداپ شەككەندەردىڭ تەگى, اتى, قالاۋى بويىنشا اكەسىنىڭ اتى, ونىڭ پوشتا مەكەنجايى, الۋدى قالايتىن الەۋمەتتىك وڭالتۋدىڭ ءتۇرى كورسەتىلگەن وتىنىشپەن جۇگىنە الادى.
8. قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ اۋماقتىق ورگانى ەكى جۇمىس كۇنى ىشىندە زارداپ شەككەن ادامعا نەمەسە ونىڭ اتىنان جۇگىنگەن جاقىن تۋىسقانىنا (زاڭدى وكىلىنە) تالاپ ەتىلەتىن الەۋمەتتىك وڭالتۋدىڭ ءتۇرىن الۋ قاجەت مەملەكەتتىك ورگاننىڭ (ۇيىمنىڭ) اتاۋى, ورنالاسقان جەرى, زارداپ شەككەن ادام كورىنەتىن ناقتى قىزمەتكەر, قىزمەتتىك تەلەفونى, فاكسىنىڭ ءنومىرى, ەلەكتروندى پوشتاسىنىڭ مەكەنجايى (قاجەت بولعان جاعدايدا) كورسەتىلگەن ءوتىنىشتى قاراۋ ناتيجەسى تۋرالى جازباشا جاۋاپ جولدايدى.
9. زارداپ شەككەندەرگە قۇقىقتىق كومەكتى ءوز قۇزىرەتى شەگىندە قازاقستان رەسپۋبليكاسى ادىلەت مينيسترلىگىنىڭ اۋماقتىق ورگاندارى كەشىكتىرمەي جازباشا, اۋىزشا جانە ەلەكتروندى تۇردە جۇزەگە اسىرادى.
قازاقستان رەسپۋبليكاسى ادىلەت مينيسترلىگىنىڭ اۋماقتىق ورگاندارى زارداپ شەككەندەرگە قاجەتتى قۇجاتتاردى الۋعا كومەك كورسەتەدى.
10. قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ اۋماقتىق ورگانى زارداپ شەككەن ادامنىڭ قۇقىقتىق كومەك الۋ جونىندەگى ءوتىنىشىنىڭ كوشىرمەسىن قازاقستان رەسپۋبليكاسى ادىلەت مينيسترلىگىنىڭ اۋماقتىق ورگانىنا جولدايدى.
قۇقىقتىق كومەك الۋ ءۇشىن قازاقستان رەسپۋبليكاسى ادىلەت مينيسترلىگىنىڭ اۋماقتىق ورگانىنا مىناداي قۇجاتتار ۇسىنىلادى:
1) تەرروريزم اكتىسىنەن زارداپ شەككەن ادامنىڭ جەكە كۋالىگىنىڭ كوشىرمەسى;
2) تەرروريزم اكتىسىنەن زارداپ شەككەن دەپ تانۋ تۋرالى قاۋلىنىڭ كوشىرمەسى.
جازباشا نەمەسە ەلەكتروندىق تسيفرلىق قولتاڭبا قويىلعان ەلەكتروندى قۇجاتپەن جۇگىنگەن جاعدايدا قازاقستان رەسپۋبليكاسى ادىلەت مينيسترلىگىنىڭ اۋماقتىق ورگاندارى زارداپ شەككەندەرگە بەس جۇمىس كۇنى ىشىندە ءوتىنىشتى قاراۋ ناتيجەسى تۋرالى جاۋاپ جولدايدى.
11. قازاقستان رەسپۋبليكاسى ادىلەت مينيسترلىگىنىڭ اۋماقتىق ورگانىنىڭ باسشىسى تەرروريزم اكتىسىنەن زارداپ شەككەندەرگە قۇقىقتىق كومەك كورسەتۋ بويىنشا وتكىزىلگەن ءىس-شارالاردىڭ قورىتىندىسى تۋرالى
قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ اۋماقتىق ورگانىنىڭ باستىعىنا حابارلايدى.
12. زارداپ شەككەندەردى پسيحولوگيالىق وڭالتۋ تەرروريزم اكتىسى (اكتىلەرى) جاسالعان ورىن بويىنشا كەشىكتىرىلمەي جۇزەگە اسىرىلادى جانە ولارعا ءتيىستى بەيىندەگى مامانداردىڭ (پسيحولوگتاردىڭ) كومەك ۇسىنۋىنان تۇرادى.
پسيحولوگيالىق وڭالتۋدى ىسكە اسىرۋ ءۇشىن قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ اۋماقتىق ورگانى ۆەدومستۆوارالىق جۇمىس توبىن قۇرادى.
ۆەدومستۆوارالىق جۇمىس توبىنا تەرروريزمگە قارسى ءىس-قيمىلدى جۇزەگە اسىراتىن مەملەكەتتىك ورگانداردىڭ پسيحولوگيالىق قىزمەت بولىمشەسىنىڭ ماماندارى مەن شتاتتىق پسيحولوگتارى, دەنساۋلىق ساقتاۋ ۇيىمدارىنىڭ, حالىقتى الەۋمەتتىك قورعاۋ جۇيەسى ۇيىمدارىنىڭ, ارنايى ءبىلىم بەرۋ ۇيىمدارىنىڭ (پسيحولوگيالىق-مەديتسينالىق-پەداگوگيكالىق كەڭەس, وڭالتۋ ورتالىقتارى, پسيحولوگيالىق-پەداگوگيكالىق تۇزەتۋ كابينەتتەرى) ماماندارى ەنگىزىلەدى.
پسيحولوگيالىق وڭالتۋ جونىندەگى ۆەدومستۆوارالىق توپتىڭ باسشىسى بولىپ تەرروريزمگە قارسى ءىس-قيمىل ماسەلەلەرىنە جەتەكشىلىك ەتەتىن قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ اۋماقتىق ورگانى باستىعىنىڭ ورىنباسارى تاعايىندالادى.
13. پسيحولوگيالىق وڭالتۋدى الۋ قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ اۋماقتىق ورگانىنا وسى قاعيدالاردىڭ 7-تارماعىندا كورسەتىلگەن وتىنىشپەن قوسا مىناداي قۇجاتتار ۇسىنىلادى:
1) تەرروريزم اكتىسىنەن زارداپ شەككەن ادامنىڭ جەكە كۋالىگىنىڭ كوشىرمەسى;
2) ادامدى تەرروريزم اكتىسىنەن زارداپ شەككەن دەپ تانۋ تۋرالى قاۋلىنىڭ كوشىرمەسى.
14. پسيحولوگ-مامان زارداپ شەككەنگە پسيحولوگيالىق كەڭەس بەرۋدى جۇزەگە اسىرادى جانە قاجەت بولعان جاعدايدا كالپىنا كەلتىرۋ ەمى مەن مەديتسينالىق وڭالتۋدى, ونىڭ ىشىندە بالالاردى مەديتسينالىق وڭالتۋدى كورسەتەتىن مەديتسينالىق ۇيىمداردا ودان ءارى ەمدەلۋ ءۇشىن دەنساۋلىق ساقتاۋ ۇيىمىنا جۇگىنۋدى ۇسىنادى.
15. ۆەدومستۆوارالىق جۇمىس توبىنىڭ باسشىسى قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ اۋماقتىق ورگانىنىڭ باسشىسىنا پسيحولوگيالىق وڭالتۋ بويىنشا جۇرگىزىلگەن ءىس-شارالاردىڭ قورىتىندىسى تۋرالى حابارلايدى.
16. تەرروريزم اكتىسىنەن زارداپ شەككەن ادامداردى مەديتسينالىق وڭالتۋدى قازاقستان رەسپۋبليكاسى ۇكىمەتىنىڭ 2011 جىلعى 15 قاراشاداعى № 1342 قاۋلىسىمەن بەكىتىلگەن قالپىنا كەلتىرۋ ەمى جانە مەديتسينالىق وڭالتۋ, ونىڭ ىشىندە بالالاردى مەديتسينالىق وڭالتۋ قاعيدالارىنا سايكەس دەنساۋلىق ساقتاۋ ۇيىمدارى تەگىن مەديتسينالىق كومەك كورسەتۋدىڭ بەرىلگەن كەپىلدىك كولەمى شەگىندە جۇزەگە اسىرادى.
