"كەشە Facebook الەۋمەتتىك جەلىسىندە پرەزيدەنتتىڭ بوزجىرا قورىعى اۋماعىندا سالىناتىن قوناقۇيدىڭ قۇرىلىسىن قايتا قاراۋدى تاپسىرعانى جايىندا جازىپ ەدىك. اتالعان جازبا اقپارات قۇرالدارى مەن الەۋمەتتىك جەلىلەردە قىزۋ تالقىلانىپ, ءتۇرلى سۇراقتار قويىلىپ جاتىر. سوندىقتان وسى ماسەلەگە تاعى ءبىر مارتە ورالىپ, قوسىمشا تۇسىنىكتەمە بەرگەندى ءجون دەپ تاپتىق. ماڭعىستاۋ وبلىسىندا ءتۋريزمدى دامىتۋ – ۇكىمەتكە جۇكتەلگەن ماڭىزدى مىندەتتەردىڭ ءبىرى.
بۇگىندە بۇل باعىتتا جۇمىستار باستالىپ كەتتى. بەس جۇلدىزدى قوناقۇي سالىنىپ, جايلى مەيمانحانالاردىڭ تۇتاس جەلىسىن قۇرۋ جوسپارلانىپ وتىر. مۇنداي جۇيەلى جۇمىستار ايماقتىڭ تۋريستىك تارتىمدىلىعىن ارتتىراتىنى ءسوزسىز. جاقىندا بوزجىرا تابيعي قورىعىنىڭ جانىنان قوناقۇي سالۋ جوباسى ۇسىنىلدى.
وكىنىشكە قاراي, قازىرگى كەزدە قورىقتىڭ اينالاسىنداعى تۋريزم تابيعاتتى قورعاۋ شارالارىن ساقتاماي, بەيبەرەكەت دامىپ جاتىر. بۇل وسى ەرەكشە تابيعات قورىعىنا وراسان زيانىن تيگىزۋدە. پرەزيدەنت ەكولوگيالىق ءتۋريزمدى وركەنيەتتى جولمەن دامىتۋدى قولدايدى. ول ءۇشىن قاجەتتى ينفراقۇرىلىم, ەڭ الدىمەن, جايلى قوناقۇيلەر قاجەت. سوندىقتان مەملەكەت باسشىسى ۇكىمەتكە قوناقۇي سالۋ جوباسىن قايتا قاراۋدى تاپسىردى. بىراق, بۇل جوبا وسىمەن توقتايدى دەگەندى بىلدىرمەيدى", دەپ جازدى پرەزيدەنتتىڭ ءباسپاسوز حاتشىسى.
بەرىك ءۋاليدىڭ ايتۋىنشا, قوعامدىق كەڭەستەردىڭ, ەكولوگ ساراپشىلاردىڭ جانە مەملەكەتتىك ۆەدومستۆولاردىڭ وي-پىكىرلەرى ەسكەرىلە وتىرىپ, قوناقۇي سالۋعا ارنالعان باسقا ىڭعايلى جەر تاڭدالادى.
