سول كۇنى تۇرعىندار قاجەتتى زاتتاردى اشىق بازارلار الاڭدارىنان ساۋدالاي الادى. سونداي-اق ويىن-ساۋىق ورىندارىنداعى بالالار الاڭدارى, كاراوكە, بيليارد, كومپيۋتەر كلۋبتارى, اۋماعى ۇلكەن مەيرامحانالار دا جۇمىستارىن توقتاتادى. وسىلايشا جابىق ساۋدا نۇكتەلەرىندە دەمالىس كۇندەرى ادامداردىڭ كوپ شوعىرلانۋىن بولدىرماۋ شارالارى قابىلدانىپ جاتىر.
12 قاراشادا اقتوبە وبلىسىندا COVID-19 جۇقتىرعان 7 دەرەگى تىركەلدى. سوڭعى كۇندەرى مارتوك جانە قارعالى اۋداندارىنىڭ تۇرعىندارى اراسىنان قاۋىپتى ىندەت جۇقتىرعاندار شىعىپ جاتىر. وڭىردە ساقتىق شارالارى كۇشەيتىلىپ, ەپيدەميالىق جاعداي قالىپتى دەڭگەيدە تۇرسا دا, كۇن سۋىتقان سايىن ۆيرۋستىڭ ءورشۋ قاۋپى دە جوعارىلايدى دەگەن قاۋىپ بار.
ازىرگە وبلىس اۋماعىندا بالالاردىڭ اراسىندا كوروناۆيرۋس جۇقتىرۋ دەرەگى تىركەلگەن جوق. دارىگەرلەر بيىل كۇز ايلارىندا بالالاردىڭ تۇماۋ, جەدەل-رەسپيراتورلى ۆيرۋستىق ينفەكتسيامەن ونشا كوپ اۋىرماعانىن حابارلايدى. بۇل – مەكتەپتەردەگى ونلاين وقىتۋدىڭ ءبىر پايداسى.
اقتوبە
