ايگىلى جاتتىقتىرۋشى فرەددي روۋچتىڭ Wild Card Boxing Gym بوكس زالىندا وتەتىن جەكپە-جەكتە جەرلەسىمىز جەڭىلىستىڭ كەرمەك ءدامىن تاتپاعان اقش بوكسشىسى چارلز كونۋەللمەن (13-0, 10 كو) جۇدىرىقتاسادى. ايقاس ءبىرىنشى ورتا سالماق دارەجەسىندە وتەدى جانە كەزدەسۋ ون راۋندقا ەسەپتەلگەن.
ايتا كەتەيىك, بوكسشىلاردىڭ ستاتيستيكاسىن جۇرگىزەتىن BoxRec.com باسىلىمى وتانداسىمىزدىڭ الداعى جەكپە-جەگىن ءۇش جۇلدىزعا باعالاپ وتىر. بۇل – اشكەەۆتىڭ جەكپە-جەگىنە بەرىلگەن ەڭ جوعارى باعا. ايگىلى باسىلىم بۇعان دەيىن وتانداسىمىزدىڭ 2019 جىلدىڭ مامىر ايىندا امەريكالىق سەسيل ماككالامەن وتكەن كەزدەسۋىن ەكى جۇلدىزعا باعالاعان بولاتىن.
