اقتوبە وبلىسىنىڭ تجد كەزەكشى-ديسپەتچەرلىك قىزمەتىنە حرومتاۋ قالاسىندا ءبىر قاباتتى ۇيدە ءورت شىققانى, سالدارىنان گاز باللونى جارىلعانى تۋرالى حابارلاما تۇسكەندە, دەرەۋ اۋداندىق ءورت ءسوندىرۋ ءبولىمىنىڭ 10 ءورت ءسوندىرۋشىسى مەن 2 تەحنيكاسى وقيعا ورنىنا جەتكەن.
تجم رەسمي وكىلى تالعات ءۋاليدىڭ حابارلاۋىنشا, ءۇي بىردەن ورتەنىپ, جالىن 90 شارشى مەتردى قامتىعان. كىرپىشتەن سالىنعان ءبىر قاباتتى ءۇيدىڭ ءبىر قابىرعاسى تۇتاس وپىرىلىپ, قۇلاعان. سوعان قاراعاندا, اۋەلى گاز باللونى جارىلىپ, سونىڭ سالدارىنان ءۇيدىڭ ءىشى بىردەن وتقا ورانعان سىڭايلى.
ء«ورت ساعات 12.29-دا تولىق ءسوندىرىلدى. وقيعا كەزىندە 9 ادام, ونىڭ ىشىندە 3 بالا زارداپ شەكتى. بالالار – 6 جانە 7 جاستا, كىشكەنتايى جاڭا تۋعان نارەستە. ولاردى كۇيىك شالماعان. قازىر حرومتاۋ قالالىق ورتالىق اۋرۋحاناسى دارىگەرلەرىنىڭ باقىلاۋىنا الىندى», – دەپ جازىلعان توتەنشە جاعدايلار دەپارتامەنتىنىڭ حابارلاماسىندا.
اقتوبە
