ءىس-شارانى ورتالىق سايلاۋ كوميسسياسى «شىراق» مۇگەدەكتىگى بار ايەلدەر قاۋىمداستىعىمەن بىرلەسىپ, قازاقستان رەسپۋبليكاسىنداعى ادام قۇقىقتارى جونىندەگى ۋاكىل, سىرتقى ىستەر مينيسترلىگىنىڭ ەرەكشە تاپسىرمالار جونىندەگى ەلشىسى, ەڭبەك جانە حالىقتى الەۋمەتتىك قورعاۋ ۆيتسە-ءمينيسترى جانە نۇر-سۇلتان قالاسىنداعى ەقىۇ باعدارلامالار ءوفيسىنىڭ قاتىسۋىمەن وتكىزدى.
ءىس-شارانىڭ ماقساتى مۇگەدەك ادامداردىڭ ساياسي جانە قوعامدىق قاتىسۋى بولىگىندەگى مۇگەدەكتەردىڭ قۇقىقتارى تۋرالى بۇۇ كونۆەنتسياسىنىڭ نەگىزگى قاعيداتتارى, مۇگەدەكتەردىڭ سايلاۋ قۇقىقتارىن قامتاماسىز ەتۋ بويىنشا ورتسايلاۋكوم جۇرگىزگەن جۇمىس, مۇگەدەك ادامداردىڭ ساياسي قاتىسۋى سالاسىنداعى ەقىۇ ستاندارتتارى, قازاقستان رەسپۋبليكاسى پارلامەنتىنىڭ ينكليۋزيۆتىلىگى جانە قولجەتىمدىلىگى بويىنشا بازالىق زەرتتەۋ ناتيجەلەرى, سونداي-اق مەملەكەتتىڭ, ۇەۇ جانە حالىقارالىق ۇيىمداردىڭ وسى باعىتتاعى بىرلەسكەن جۇمىسى تۋرالى كوپشىلىك قاۋىمدى حاباردار ەتۋ بولىپ تابىلادى. ءىس-شارا وفلاين جانە ونلاين فورماتتا وتكىزىلدى.
قازاقستان رەسپۋبليكاسى ورتالىق سايلاۋ كوميسسياسى جانىنداعى مۇگەدەكتەردىڭ سايلاۋ قۇقىقتارىن قامتاماسىز ەتۋ جونىندەگى جۇمىس توبى وتىرىسىنىڭ جانە دوڭگەلەك ۇستەلدىڭ جۇمىسىنا پارلامەنت دەپۋتاتتارى, ورتالىق مەملەكەتتىك ورگانداردىڭ, قوعامدىق جانە حالىقارالىق ۇيىمداردىڭ, مۇگەدەكتەردىڭ قوعامدىق بىرلەستىكتەرىنىڭ, تالداۋ ورتالىقتارىنىڭ وكىلدەرى, اۋماقتىق سايلاۋ كوميسسيالارىنىڭ توراعالارى مەن وبلىستاردىڭ, رەسپۋبليكالىق ماڭىزى بار قالالاردىڭ جانە استانانىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارمالارىنىڭ باسشىلارى, بۇقارالىق اقپارات قۇرالدارى قاتىستى.
وسك جانىنداعى مۇگەدەكتەردىڭ سايلاۋ قۇقىقتارىن قامتاماسىز ەتۋ جونىندەگى جۇمىس توبى وتىرىسىنىڭ جانە دوڭگەلەك ۇستەلدىڭ جۇمىس قورىتىندىلارى بويىنشا مۇگەدەك ادامداردىڭ قوعامنىڭ ساياسي جانە قوعامدىق ومىرىنە قاتىسۋىن قامتاماسىز ەتۋ بويىنشا قارار قابىلداندى.
