مەملەكەت باسشىسى نۇرسۇلتان نازارباەۆ «قازاقستان تەمىر جولى» ۇلتتىق كومپانياسى» اق پرەزيدەنتى اسقار ءماميندى قابىلدادى, دەپ حابارلادى پرەزيدەنتتىڭ ءباسپاسوز قىزمەتى.
مەملەكەت باسشىسى نۇرسۇلتان نازارباەۆ «قازاقستان تەمىر جولى» ۇلتتىق كومپانياسى» اق پرەزيدەنتى اسقار ءماميندى قابىلدادى, دەپ حابارلادى پرەزيدەنتتىڭ ءباسپاسوز قىزمەتى.
ا.مامين كومپانيانىڭ 2016 جىلعا قاراي قازاقستاننىڭ وڭىرلىك كولىك-لوگيستيكا حابى رەتىندە قالىپتاسۋىنا باعىتتالعان قىزمەتى جونىندە حاباردار ەتتى.
مەملەكەت باسشىسى 2014 جىلى پايدالانۋعا بەرۋ جوسپارلانعان جەزقازعان – بەينەۋ جانە ارقالىق – شۇباركول جاڭا تەمىرجول جەلىلەرىن ىسكە قوسۋدىڭ ماڭىزدىلىعىن اتاپ ءوتتى. ولار شىعىس – باتىس جانە سولتۇستىك – وڭتۇستىك باعىتتارىنداعى حالىقارالىق كولىك دالىزدەرىن ۇيلەستىرۋدى وڭتايلاندىرىپ, دوستىق – اقتاۋ باعىتىنداعى اراقاشىقتىقتى 748 شاقىرىمعا قىسقارتۋعا ءتيىس.
«قتج» ۇك» اق پرەزيدەنتى «قازاقستان – جاڭا ءجىبەك جولى» اۋقىمدى باعدارلاماسىن ىسكە اسىرۋ تۋرالى ايتتى, ونىڭ اياسىندا ترانزيت الەۋەتىن ارتتىرۋعا, ىشكى جانە شەتەلدىك كولىك-لوگيستيكا جۇيەسىن قالىپتاستىرۋعا باعىتتالعان ءىرى ينفراقۇرىلىمدىق جوبالار جۇزەگە اسىرىلاتىن بولادى.
قازىرگى ۋاقىتتا قازاقستان ارقىلى ەۋروپا – ازيا باعىتى بويىنشا كونتەينەرلىك 14 شاتتل-پويىز تۇراقتى تۇردە ءجۇرىپ تۇرادى. 2014 جىلدىڭ باسىندا قىتاي – ورتالىق ازيا جانە قىتاي – ەۋروپا باعىتتارى بويىنشا تاعى 3 كونتەينەرلىك پويىز ۇيىمداستىرۋ جوسپارلانۋدا.
ا.مامين ەكى جىلدا قازاقستاندا جەكەمەنشىك سەكتوردىڭ قاتىسۋىمەن كولىك-لوگيستيكا ورتالىقتارىنىڭ جەلىسى تولىق قالىپتاستىرىلاتىنىن مالىمدەدى. سونداي-اق, 2014 جىلى سولتۇستىك باعىتتاعى اقتاۋ تەڭىز پورتىن دامىتۋ جوباسى اياقتالادى.
كەزدەسۋ قورىتىندىسىندا مەملەكەت باسشىسى قارالعان ماسەلەلەرگە قاتىستى بىرقاتار ناقتى تاپسىرمالار بەردى.
