بەينەكونفەرەنتسيا بايلانىسى سيپاتىندا وتكەن وتىرىس بارىسىندا كوروناۆيرۋس پاندەمياسى جاعدايىنداعى ۇيىمنىڭ قازىرگى قىزمەتى تۋرالى ەقىۇ پارلامەنتتىك اسسامبلەياسىنىڭ توراعاسى گەورگي تسەرەتەليدىڭ جانە باس حاتشى روبەرتو مونتەللانىڭ اقپاراتى تىڭدالدى. كارانتين شارالارىنا قاراماستان, ەقىۇ سايلاۋدى (اقش, گرۋزيا, چەرنوگوريا جانە تاعى باسقا ەلدەردەگى) بايقاۋعا قاتىسۋ جونىندەگى جۇمىستاردى بەلسەندى تۇردە جالعاستىرىپ وتىر. ەقىۇ پارلامەنتتىك اسسامبلەياسىنىڭ توراعاسى, سونداي-اق 2021 جىلى قازاقستان مەن قىرعىزستاندا بولاتىن سايلاۋعا مونيتورينگ جۇرگىزۋ جونىندەگى الدا تۇرعان جۇمىستاردى اتاپ ءوتتى.
بۇۇ دۇنيەجۇزىلىك ازىق-ت ۇلىك باعدارلاماسىنىڭ (WFP) اتقارۋشى ديرەكتورى, 2020 جىلى نوبەل سىيلىعىن العان دەۆيد بيزلي نەگىزگى بايانداماشى رەتىندە COVID-19 تارالعاننان كەيىن حالىقتىڭ تابىسى تومەن ەلدەردە ازىق-ت ۇلىك تاپشىلىعى قيىنداي تۇسەتىنى تۋرالى ايتتى.
«2020 جىل ەكىنشى دۇنيەجۇزىلىك سوعىستان كەيىنگى ازىق-ت ۇلىك قاۋىپسىزدىگى مەن گۋمانيتارلىق داعدارىس تۇرعىسىندا ەڭ اۋىر جىل بولدى. كوروناۆيرۋس پاندەمياسىنا بايلانىستى اشتىققا دۋشار بولاتىن ادام سانى 135 ميلليوننان 270 ميلليونعا دەيىن ءوستى», دەدى دەۆيد بيزلي.
WFP اتقارۋشى ديرەكتورى ەلدەردى COVID-19 اسەرىنىڭ باسقا دا ماسەلەلەرىنە, اتاپ ايتقاندا دەنساۋلىق ساقتاۋ جۇيەسى مەن ازىق-ت ۇلىك تاپشىلىعى اراسىنداعى تەپە-تەڭدىكتى ساقتاۋ قاجەتتىگىنە نازار اۋدارۋعا شاقىردى.
