الەم • 15 قاراشا، 2020

رۋمىنيادا اۋرۋحاناداعى ورتتەن 10 ادام كوز جۇمدى

15 رەت كورسەتىلدى

رۋمىنيادا كوروناۆيرۋس ينفەكتسياسىن ەمدەۋگە ارنالعان اۋرۋحانادا ءورت بولىپ، 10 ادام قازا تاپتى. تاعى بىرنەشە ناۋقاس قاتتى جاراقات الدى، دەپ حابارلايدى Egemen.kz قازاقپاراتقا سىلتەمە جاساپ.

ءورت سولتۇستىك-شىعىستاعى پياترا-نيامتس قالاسىنداعى مەملەكەتتىك اۋرۋحانانىڭ قارقىندى تەراپيا ءبولىمىن جالماعان. ناۋقاستاردى قۇتقارماق بولعان كەزەكشى دارىگەردىڭ دەنەسىن كۇيىك شالىپ، اۋىر حالدە جاتىر. رۋمىنيا دەنساۋلىق ساقتاۋ ءمينيسترى نەلۋ تەتارۋدىڭ جەرگىلىكتى باق-قا بەرگەن مالىمەتى بويىنشا، ورتكە ەلەكتر سىمدارىنىڭ قىسقا تۇيىقتالۋى سەبەپ بولۋى مۇمكىن.

سونداي-اق مينيستر تەتارۋ كوروناۆيرۋسقا قارسى ەم الىپ جاتقان باسقا ناۋقاستاردى ياسسى قالاسىنداعى باسقا مەكەمەگە اۋىستىراتىنىن اتاپ ءوتتى. جەرگىلىكتى باق حابارلاۋىنشا، دەنەسىن قاتتى كۇيىك شالعان كەزەكشى دارىگەر اسكەري ۇشاقپەن ەل استاناسىنا جەتكىزىلگەن.

"جاراقات العان باسقا دا مەديتسينا قىزمەتكەرلەرى بار"، دەپ اتاپ ءوتتى تەتارۋ.

سونداي-اق ول سەنبى كۇنى كەشكە اۋرۋحانادا بولعان جاعدايدان كەيىن پياترا-نيامتسكە بارا جاتقانىن ايتتى. سەگىز ناۋقاس ەكىنشى قاباتتاعى ءورت پايدا بولعان بولىمشەدە مەرت بولعان، ال ەكەۋى جانىنداعى پالاتادا كوز جۇمدى. بارلىعى كوروناۆيرۋستان ەم الىپ جاتقان. پالاتاداعىلاردىڭ كوبى وكپەنى جاساندى جەلدەتۋ قۇرىلعىسىنا قوسىلعان.

دەنساۋلىق ساقتاۋ مينيسترلىگىنىڭ مالىمەتىنشە، ناۋقاستاردى ينتۋباتسيالاۋعا پايدالانىلاتىن وتتەگى تۇسكەننەن كەيىن قىزىل جالىن تەز تاراپ كەتكەن دەگەن بولجام بار. پاندەميا باستالعالى رۋمىنيادا 350 000 كوروناۆيرۋس جۇقتىرۋ وقيعاسى تىركەلدى، 8813 ادام كوز جۇمدى.

جۇما كۇنى ەلدە 9 489 ادامنىڭ كوروناۆيرۋسقا شالدىققانى بەلگىلى بوپ، 174 ادام ومىردەن ءوتتى. 1 149 ناۋقاس قارقىندى تەراپيا بولىمشەلەرىندە ەم الىپ جاتىر.

سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار