"بۇگىن قازاقستان اۋىلشارۋاشىلىعى, تاماق جانە وڭدەۋ ونەركاسىبى قىزمەتكەرلەرىنىڭ ءتول مەرەكەسى.
مەن وسى سالاداعى قىزمەت ەتكەن بارلىق ارداگەرلەردى, اگروونەركاسىپتىك كەشەن جۇمىسشىلارىن شىن جۇرەكتەن قۇتتىقتايمىن!
ءبىزدىڭ وڭىردە ون مىڭداعان جەرلەستەرىمىز جايىلىمداردا, ەگىستىكتەردە, وبلىستىڭ قايتا وڭدەۋ كاسىپورىندارىندا تىنىمسىز ەڭبەك ەتىپ ءجۇر. ءبىز سىزدەردىڭ جۇمىستارىڭىزدى, ءوز جۇمىسىڭىزعا دەگەن ادالدىعىڭىزدى, تۋعان جەرگە دەگەن سۇيىسپەنشىلىگىڭىزدىڭ ناتيجەسىن ءوز ۇيلەرىمىزدە, داستارقاندارىمىزدا كۇن سايىن كورىپ ءجۇرمىز.
سىزدەر ماڭداي تەردىڭ ارقاسىندا تۇگەل وبلىستى ازىق-ت ۇلىكپەن قامتاماسىز ەتىپ وتىراسىزدار. بۇل وڭايلىقپەن كەلەتىن ەڭبەك ەمەس.
بيىلعى جىلى ءسىزدىڭ جۇمىسىڭىز پاندەميا كەزىندە ەرەكشە بايقالدى. ويتكەنى بۇكىل الەم ازىق-ت ۇلىك تاپشىلىعىنا تاپ بولىپ, بىرقاتار ەلدەر قيىنشىلىق كوردى. ال سىزدەر ەلدى ازىق-ت ۇلىكپەن قامتاماسىز ەتۋ ءۇشىن ۇلكەن جانقيارلىق ەڭبەك جاسادىڭىزدار, ول ءۇشىن مەن سىزدەرگە زور العىسىمدى بىلدىرەمىن.
بيىل اگروونەركاسىپتىك كەشەن ءبىر ادامعا شاققانداعى ەڭبەك ونىمدىلىگىنىڭ ارتۋىن كورسەتىپ وتىر. بۇل دەگەنىمىز, اۋىلدا دامۋ ءۇردىسى ءجۇرىپ جاتىر دەگەن ءسوز.
مال شارۋاشىلىعىنىڭ تۇقىمدىق ترانسفورماتسياسى, وسىمدىك شارۋاشىلىعىندا زاماناۋي تەحنولوگيالاردى قولدانۋ, قايتا وڭدەۋ ءوندىرىسىن وڭتايلاندىرۋ يمپورتتالعان (ولاردىڭ بارلىعى ەكولوگيالىق تازا ءونىم بولماۋى مۇمكىن) ونىمدەرمەن باسەكەلەسۋگە مۇمكىندىك بەرەدى.
ءبىزدىڭ وبلىستىڭ اگروونەركاسىپتىك كەشەنىنىڭ الەۋەتى وتە زور. مۇنى ەت ءوندىرۋ جانە قايتا وڭدەۋ, زاماناۋي جىلىجايلار مەن قويمالار, ءسۇت ءوندىرۋ جانە قايتا وڭدەۋ سياقتى باعىتتارداعى ينۆەستيتسيالار كولەمىنىڭ ۇلعايۋىنان بايقاۋعا بولادى. ءوڭىر تۇرعىندارىن ساپالى ونىمدەرىمەن قامتاماسىز ەتۋ – اۋىل ەڭبەككەرلەرىنىڭ ەڭ جوعارى ميسسياسى دەۋگە بولادى.
قۇرمەتتى سالا ماماندارى, ارداقتى ەڭبەككەرلەر! بارشاڭىزدى مەرەكەمەن قۇتتىقتاي وتىرىپ, وتباسىلارىڭىزعا اماندىق, دەندەرىڭىزگە ساۋلىق تىلەيمىن. ەڭبەكتەرىڭىز ارتا بەرسىن!", دەيدى ءوڭىر باسشىسى.
