ەكونوميكا • 15 قاراشا، 2020

بۇگىن ۇلتتىق ۆاليۋتا كۇنى

203 رەت كورسەتىلدى

كەز كەلگەن ەگەمەن ەلدىڭ ءرامىزى بولاتىنى سەكىلدى ءوز ۆاليۋتاسىنىڭ بولۋى دا زاڭدى، دەپ جازادى Egemen.kz

ويتكەنى ۇلتتىق ۆاليۋتانى جاريالاپ، ونى اينالىمعا ءتۇسىرۋ تاۋەلسىزدىكتىڭ باستى قادامدارىنىڭ ءبىرى ەدى. ال، تەڭگەنىڭ اينالىمعا ءتۇسۋى ەگەمەندى قازاقستاننىڭ قارجىلاي دا تاۋەلسىز ەكەنىن تاعى ءبىر جاريا ەتۋى بولاتىن.

بۇگىندە اقشا بىرلىكتەرى مەملەكەتتىڭ دامۋىنىڭ ماڭىزدى ءرولىن اتقارادى. ولارسىز مەملەكەتارالىق قاتىناستاردى ورنىقتىرۋ مۇمكىن ەمەس، مەملەكەت ىشىندەگى قارجى وپەراتسيالارىنىڭ ءبىرىن دە ورىنداي المايدى.  

قازاقستاننىڭ تەڭگەسى 1993 جىلى 15 قاراشادا اينالىمعا ەندى. ال، 1997 جىلى 13 قاراشادا قازاقستان رەسپۋبليكاسىنىڭ تۇڭعىش پرەزيدەنتى ن.ءا. نازارباەۆ العاش تەڭگەنىڭ اينالىمعا تۇسكەن كۇنىن "ۇلتتىق ۆاليۋتا كۇنى" دەپ جاريالادى ءوز جارلىعىندا. 

ەلدىڭ ەگەمەندىگىن جاڭا جار سالعان اۋمالى-توكپەلى ۋاقىتتا ءتول تەڭگەمىزدى دۇنيەگە اكەلۋ تاۋەكەلدى قادام بولاتىن. مەملەكەتتەگى ەكونوميكالىق قيىندىققا قاراماستان، قازاق ۇلتىنىڭ تۇڭعىش ۆاليۋتاسى جارىق كوردى، تاۋەلسىز ەلدىڭ اينالىمىنا ءتۇستى. 

سوڭعى جاڭالىقتار

ۇقساس جاڭالىقتار