كەنەت ءبىر ايەلدىڭ اتتان سالعان داۋىسىن ەستىگەن. قاراسا, ايعاي سالعان ايەل جانعان ۇيگە قاراي جانۇشىرا جۇگىرىپ بارادى ەكەن. تۇسىنگەنى – وت ىشىندە بالالار قالىپتى.
ويلانىپ تۇرۋعا ۋاقىت جوق ەدى. دامير جالىن ءتىلى تەرەزەدەن سۋماڭداي شىعىپ جاتقان ءۇيدىڭ ىشىنە قويىپ كەتكەن. ءتورت بولمەنىڭ ءىشى تۇك كورىنبەيتىن ءتۇتىن ەكەن. ايتەۋىر, جانۇشىرا ءجۇرىپ جاس شامالارى 12-14 ارالىعىنداعى ەكى ەر بالانى سىرتقا الىپ شىعادى. سودان كەيىن, بۇل مەزگىلدە ءتىپتى دە ءورشي تۇسكەن ءورت ىشىنە قايتا سۇڭگىپ, ەدەندە قۇلاپ جاتقان كەيۋانانى دا قۇتقارىپ قالدى.
كەلەسى كۇنى قاراعاندى وبلىستىق توتەنشە جاعدايلار دەپارتامەنتى باسشىلىعىنىڭ اتىنا مىناداي مازمۇنداعى حات كەلىپ ءتۇستى: «ورتكە قارسى قىزمەت قىزمەتكەرى دامير ورازبەكوۆكە جانە ءار مينۋت سايىن كومەككە كەلۋگە دايار قىزمەتكەرلەردى تاربيەلەگەن ونىڭ باسشىلىعىنا العىسىمدى بىلدىرگىم كەلەدى». بۇل حاتتىڭ اۆتورى بالالارى اجالدان امان قالعان تامارا اندرەەۆنا دەگەن تۇرعىن ەكەن.
سويتسە, دامير ورازبەكوۆ دەگەن وجەت جىگىت قاراعاندى وبلىسى تجد ءورت ءسوندىرۋ جانە اپاتتىق-قۇتقارۋ جۇمىستارى قىزمەتىنىڭ №12 ءورت ءسوندىرۋ بولىمشەسىندە كوماندير ساناتىندا قىزمەت ەتەتىن بولىپ شىقتى. ءدال سول ءورت بولعان كۇنى ول دەمالىستا ءجۇرىپتى...
قاراعاندى
