سوڭعى جاعداي بويىنشا جامبىل وبلىسىندا كوروناۆيرۋس ىندەتىن جۇقتىرۋدىڭ 5 جاعدايى تىركەلدى. بۇگىندە ناۋقاستاردا اۋرۋ سيمپتومسىز تۇردە ءوتىپ جاتىر ەكەن. جالپى, قاۋىپتى ىندەت تاراز قالاسىنىڭ شۋ, مەركى, ت.رىسقۇلوۆ اۋداندارىنىڭ تۇرعىندارىنان انىقتالعان. ىندەت جۇقتىرعاندار – ءارتۇرلى جاستاعى ازاماتتار. بىراق ولاردىڭ بارلىعى دا اۋرۋحاناعا جاتار الدىندا تەكسەرىستەن وتكەن. جالپى العاندا, بۇگىندە جامبىل وبلىسى بويىنشا كوروناۆيرۋس جۇقتىرۋدىڭ 4 225 جاعدايى تىركەلگەن بولسا, اۋرۋحانالاردان 4 114 ناۋقاس ەمدەلىپ شىققان. دەگەنمەن ءدال قازىرگى ۋاقىت اسا ساقتىقتى قاجەت ەتەتىن بولىپ تۇر.
جۋىردا عانا وڭىردە كوروناۆيرۋس ىندەتىمەن كۇرەس بويىنشا وبلىستىق جەدەل شتابتىڭ كەزەكتى وتىرىسى وتكەن بولاتىن. اتالعان جيىندا جامبىل وبلىسى بويىنشا سانيتارلىق-ەپيدەميولوگيالىق قاداعالاۋ دەپارتامەنتى باسشىسىنىڭ مىندەتىن اتقارۋشى نەيليا مۋليكوۆا وتكەن ايدا وڭىردە كوروناۆيرۋس ىندەتىن جۇقتىرۋدىڭ 60 جاعدايى تىركەلگەنىن, ول الدىڭعى ايمەن سالىستىرعاندا اۋرۋشاڭدىق دەڭگەيىنىڭ 1,4 ەسەگە وسكەنىن حابارلاعان ەدى. ونىڭ ايتۋىنشا, جاعدايلاردىڭ كوبى تاراز قالاسى, شۋ, بايزاق جانە قورداي اۋداندارىندا انىقتالعان. الايدا 31 ينفەكتسيا وشاقتارىندا قورىتىندى دەزينفەكتسيالىق شارالار جۇرگىزىلىپ, بايلانىستا بولعان 230 ادام ءۇي كارانتينىنە وقشاۋلانعان.
قازىرگىدەي كۇردەلى كەزەڭدە قاۋىپسىزدىك شارالارىن ساقتاۋدى اۋەلى اركىم وزىنەن باستاعانى دۇرىس. دەگەنمەن قوعامداعى جاعدايدىڭ دا رەتتەلگەنى ماڭىزدى. وسى ورايدا بيىلعى 10 قازان مەن 6 قاراشا ارالىعىندا مونيتورينگتىك توپتار 9 125 نىساندى قامتىپ, 1 328 رەيدتىك تەكسەرىستەر جۇرگىزگەن. ناتيجەسىندە, كارانتيندىك رەجىمنىڭ 530 بۇزىلۋ دەرەگى انىقتالىپ, 17 ملن 852 مىڭ 840 تەڭگەگە 163 حاتتاما تولتىرىلعان. بۇل رەتتە نەيليا مۋليكوۆا بايزاق, شۋ, تالاس, سارىسۋ اۋداندارى مەن تاراز قالاسىنىڭ ءموبيلدى توپتارىنىڭ جۇمىسىن جانداندىرۋ قاجەت ەكەنىن ايتتى. ياعني ولاردىڭ جۇمىسى بۇگىندە ءالسىز. سوندىقتان دا قازىرگىدەي كۇردەلى كەزەڭدە مۇنى جانداندىرۋ ماڭىزدى.
ال وبلىستىق دەنساۋلىق ساقتاۋ باسقارماسىنىڭ باسشىسى اسەت قاليەۆتىڭ ايتۋىنشا, بۇگىندە وبلىستا 345 مىڭنان اسا ادام ۆاكتسينالاۋدان وتكەن. حالىقتى قامتۋ كورسەتكىشى 30 پايىزدى قۇراعان. ءبىر ايتا كەتەرلىگى, جۇقتىرۋ قاۋپى جوعارى توپتاعى ادامدارعا ۆاكتسينا اقىسىز ەگىلۋدە. بۇل تىزىمگە مەديتسينا قىزمەتكەرلەرى, جۇكتى ايەلدەر, 14 جاسقا دەيىنگى بالالار جانە زەينەتكەرلەر كىرەدى ەكەن.
الايدا قازىرگى ۋاقىتتا جاعدايدى تۇزەلىپ كەتتى دەۋگە بولمايدى. وبلىستىڭ باس سانيتار دارىگەرىنىڭ قاۋلىسىمەن وڭىردە كارانتيندىك شارالاردىڭ جەڭىلدەتىلۋى قابىلدانعانىمەن, بارلىق شەكتەۋ شاراسى الىنىپ تاستالعان جوق. وكىنىشكە قاراي, تالاپ تولىعىمەن ورىندالماي وتىر. ءبىر عانا مىسال, اۋداندىق موبيلدىك توپ قورداي اۋدانىنىڭ ورتالىعى قورداي اۋىلىندا ۇزدىكسىز رەيد جۇرگىزۋدە. ناتيجەسىندە, قورداي اۋىلىنداعى «كومبەش» تاماقتانۋ ورنى مەن «قانات» ازىق-ت ۇلىك دۇكەنىندە سانيتارلىق تالاپتاردىڭ ساقتالماعاندىعى انىقتالعان. سونىمەن قاتار ءموبيلدى توپ قورداي اۋىلىنداعى ءا.جۇمابەكوۆ كوشەسى تۇرعىنىنىڭ بەتاشار ءراسىمىن وتكىزىپ جاتقان كەزىنىڭ ۇستىنەن تۇسكەن. توي يەلەرىنە اكىمشىلىك قۇقىقبۇزۋشىلىق تۋرالى حاتتاما تولتىرىلىپ, قۇجاتتارى ءتيىستى مەكەمەگە جولدانعان. وسى سياقتى كەلەڭسىزدىكتەر كەلەشەكتە وزگە دە اۋدان, اۋىلداردا قايتالانباۋى ءۇشىن, اركىم كارانتين تالاپتارىن وزىنەن باستاعانى دۇرىس.
جامبىل وبلىسى
