«بىزگە لاتىن الىپبيىنە كوشۋ قاجەت. ءتىپتى اۋاداي قاجەت. سونىمەن قاتار, لاتىن ءالىپبيىن باۋىرلاس تۇركيا مەن ازەربايجان جۇزدەگەن جىلدان بەرى قولدانىپ كەلەدى. وزبەكتەر دە وسى الىپبيگە كوشكەلى جيىرما جىلداي بولدى. ورتاق ءالىپبي قولدانۋ ءبىزدىڭ جازۋىمىز بەن تىلىمىزگە 200 ميلليون باۋىرلاس ءارى ادال اۋديتوريا بەرەدى. ودان بولەك, دامىعان ءارى تابىستى ەلدەردىڭ باسىم بولىگى لاتىندى قولداناتىن بولعاندىقتان, ءبىزدىڭ ءتىلىمىز دە الەمنىڭ اعىلشىنتىلدى بولىگىنىڭ قۇرامىنا ەنبەك. ينتەرنەت ارقىلى قولجەتىمدى بارلىق يننوۆاتسيالىق تەحنولوگيا ءتىلى, الەمدەگى ەڭ ۇزدىك ۋنيۆەرسيتەتتەردىڭ ەڭ مىقتى دارىستەرى دە اعىلشىن تىلىندە, لاتىن گرافيكاسىمەن جازىلعانىن دا ايتا كەتۋ كەرەك.
قازاق ءتىلىنىڭ تاعدىرى تۋرالى ايتار بولساق, ءدال وسى لاتىن الىپبيىنە كوشۋ ونى الداعى مىڭ جىلدىقتا ساقتاپ قالۋعا مۇمكىندىك بەرەدى. باسقا ەلدەر ءۇشىن دە ءبىزدىڭ ءتىلىمىز وسىلاي قولجەتىمدى بولا الادى», دەيدى ا.شوراەۆ.
ونىڭ ايتۋىنشا, كۇن سايىن نەولوگيزمدەر پايدا بولىپ, كۇندەلىكتى ومىرىمىزگە لاتىن ءتۇبىرى بار سوزدەر كوبىرەك ەنىپ جاتقان كەزەڭدە, بىزگە دە قولدانىس اياسى كەڭ ءارى امبەباپ لاتىن الىپبيىنە قوسىلۋدان باسقا امال جوق. سول ارقىلى ۇلتتىق بولمىسقا بەت بۇرامىز. بۇل ءبارىمىز ءۇشىن, بارلىق تۇرعىدان ۇتىمدى. ال بالالارىمىز بەن نەمەرەلەرىمىزگە ەۋروپالىق تىلدەردى ۇيرەنۋ وڭايىراق بولادى. ەڭ باستىسى, لاتىن ءالىپبيىن بىزگە الاش مۇرا ەتىپ قالدىردى. ەندى ولارعا لايىقتى قۇرمەت كورسەتۋ كەرەك.
