وڭىردەگى اتقارىلىپ جاتقان جۇمىستارمەن قاتار, ءدىني احۋال تۋرالى باياندادى. جامبىل وبلىسىندا جالعان ءدىننىڭ جەتەگىندە كەتكەن 135 ازامات قوعامعا قايتا بەيىمدەلگەن. سونىمەن قاتار, ول وبلىس بويىنشا ءدىن سالاسىنىڭ 10 ايداعى نەگىزگى كورسەتكىشتەرىنە توقتالدى.
باسقارما باسشىسى اعىمداعى جىلى جاڭا سالىنعان 4 مەشىتتىڭ تىركەۋدەن وتكەنىن, سونىمەن قاتار, وبلىس اۋماعىندا تاعى 13 مەشىتتىڭ قۇرىلىسىنىڭ جۇرگىزىلىپ جاتقانىن جەتكىزدى. الايدا, وڭىردەگى جالپى 312 مەشىتتىڭ ىشىندەگى 22 مەشىتتە رەسمي بەكىتىلگەن يمامدار جوق ەكەن. نەگىزىنەن وڭىردە ارنايى بۇيرىقپەن 400 ءدىني قىزمەتكەر ەڭبەك ەتەدى. ونىڭ 304-ءى يمام-مولدا بولسا, 37-ءسى نايب-يمام, 31-ءى ازانشى جانە 28-ءى ۇستازدار. مەشىتتەردە 98 جوعارى ءبىلىمدى يمام, ورتا ءبىلىمدى 59 جانە ساۋات اشۋ كۋرستارىن بىتىرگەن 243 ءدىني قىزمەتكەر بار. «وبلىستاعى مەشىتتەردىڭ جالپى سىيىمدىلىعى 54090 ادامعا شاقتالعان. حريستيان باعىتىنداعى شىركەۋلەرگە كەلۋشىلەر سانى 3800 ادام شاماسىندا. مەشىتتەرگە كۇندەلىكتى كەلۋشىلەر سانى 6 مىڭ ادام بولسا, شىركەۋلەرگە كەلۋشىلەر 800-ءدى قۇرادى», دەيدى جانگەلدى وماروۆ.
جالپى, جامبىل وبلىسىندا مەملەكەتتىك تىركەۋدەن وتكەن 358 ءدىني بىرلەستىك بار ەكەن. ونىڭ 312-ءسى مەشىت بولسا, 46 نىسان حريستياندىق باعىتتاعى شىركەۋ دەپ تانىلعان.
جامبىل وبلىسى
