بالالار بۇرىن-سوڭدى باستارىنان كەشىرمەگەن ىڭعايسىز ىرعاققا ءالى ۇيرەنە الار ەمەس. وسى ورايدا, نۇر-سۇلتان قالاسىنداعى يۋنۋس ەمرە تۇرىك مادەنيەت ورتالىعى ىندەت جاعدايىندا ساباقتى ۇيدەن وقىپ جاتقان بالالارعا ارنالعان سۋرەت بايقاۋىن وتكىزۋدى جوسپارلاپ وتىر.
«مەكتەبىمدى ساعىندىم» دەپ اتالاتىن سۋرەت جارىسىنا نۇر-سۇلتان قالاسىندا تۇراتىن 12-14 جاس ارالىعىنداعى وقۋشىلار قاتىسا الادى. بايگەگە جىبەرىلەتىن سۋرەتتەر ا3 فورماتىندا كەز كەلگەن بوياۋمەن قابىلدانادى. جۇمىستار 25 قاراشاعا دەيىن يۋنۋس ەمرە تۇرىك مادەنيەت ورتالىعىنا تاپسىرىلۋى كەرەك.
ۇيىمداستىرۋشىلار حابارلاعانداي, قازىلار تاڭدايتىن العاشقى وندىققا كىرگەن شىعارمالار ورتالىقتىڭ الەۋمەتتىك جەلى پاراقشاسىندا 27 قاراشا مەن 6 جەلتوقسان ارالىعىندا جاريالانادى. ەڭ كوپ داۋىس جيناعان 3 شىعارما يەسى جەڭىمپاز بولىپ ەسەپتەلەدى. جارىس قورىتىندىسى 7 جەلتوقساندا بەلگىلى بولماق.
بايگە تۋرالى تولىق اقپارات افيشادا كورسەتىلگەن.
