ۆەدومستۆو باسشىسى «CASPI Bitum» بك» جشس بيتۋم ءوندىرۋ زاۋىتىنىڭ جۇمىسىمەن تانىستى. CASPI Bitum» بك» جشس ۇدەمەلى يندۋستريالىق-يننوۆاتسيالىق دامىتۋ جونىندەگى 2010-2014 جىلدارعا ارنالعان مەملەكەتتىك باعدارلاما اياسىندا ىشكى نارىقتى جول بيتۋمىمەن قامتاماسىز ەتۋ ماقساتىندا ماڭعىستاۋ وبلىسىندا ينۆەستيتسيا ەسەبىنەن سالىنعان العاشقى كاسىپورىن.
مۇناي «قاراجانباس» كەن ورنىنان جەتكىزىلىپ, تەحنيكالىق سيپاتتامالارى جاعىنان جول بيتۋمدارىن وندىرۋگە ارنالعان وڭتايلى شيكىزات.
2014 جىلدان باستاپ 2019 جىلعا دەيىن كاسىپورىندا 1,590 مىڭ توننا جول بيتۋمى ءوندىرىلدى. كاسىپورىندى تەكسەرۋ بارىسىندا نۇرلان نوعاەۆ جول بيتۋمىن وندىرۋشىلەردىڭ جۇمىسىن جاقسارتۋ ءۇشىن ەنەرگەتيكا مينيسترلىگى قابىلداپ جاتقان شارالار تۋرالى ايتىپ بەردى.
«مەملەكەتتىك ساتىپ الۋلاردىڭ كەشىكتىرىلۋىنە بايلانىستى جول سالۋشىلار كوكتەم مەن جاز ايلارىندا وندىرۋشىلەردەن بيتۋمدى جاپپاي ساتىپ الا باستايدى. سول ارقىلى بيتۋمعا سۇرانىس ارتىپ, بۇل ءوز كەزەگىندە نارىقتىق قاتىناستارمەن رەتتەلەتىن ءونىمنىڭ قۇنىنا اسەر ەتەدى», دەدى ەنەرگەتيكا ءمينيسترى.
ن.نوعاەۆتىڭ ايتۋىنشا, قۇرىلىس ماۋسىمى كەزىندە بيتۋم باعاسى ءوسىپ, قىس ايلارىندا وعان دەگەن سۇرانىس پەن باعا تومەن بولادى. سول سەبەپتى جول سالۋشىلار جىل بويى بيتۋممەن بىركەلكى قامتاماسىز ەتىلۋى ءتيىس. بۇل ءونىمنىڭ باعاسىن تومەندەتىپ, جول بيتۋمىن وندىرۋشىلەردىڭ تەحنولوگيالىق پروتسەستەرىنە وڭ اسەر ەتەدى.
