وتىرىستا بايانداما جاساعان يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ بۇگىنگى تاڭدا ەكونوميكانىڭ ءوسۋى باياۋلاسا دا, وڭدەۋ ونەركاسىبى ءوسىمنىڭ نەگىزگى درايۆەرى بولىپ وتىرعانىن اتاپ ءوتتى.
2020 جىلدىڭ 10 ايىنىڭ قورىتىندىسىندا وڭدەۋ ونەركاسىبىندەگى ءوندىرىس 3,2%-عا ءوستى. ءمينيستردىڭ ايتۋىنشا, وڭدەۋشى سالانىڭ بارلىق سەكتورىندا وڭ ديناميكا بايقالادى. ماشينا جاساۋ سالاسىندا بيىل 10 ايدا تۇراقتى ءوسىم ساقتالدى.
ەسەپتى كەزەڭدە سالانىڭ ناقتى كولەم يندەكسى 116,5% قۇرادى. اۆتوكولىك قۇرالدارى, ترەيلەرلەر جانە جارتىلاي تىركەمەلەر 53,6%, وزگە كولىك قۇرالدارىن جاساۋ 87,1%, ەلەكتر جابدىقتارىن جاساۋ 3%, ماشينالار مەن جابدىقتار ءوندىرىسى 4,3% ءوستى. ءتۇستى مەتاللۋرگيادا ءوندىرىس كولەمى 1,9%-عا ارتتى. وعان تازارتىلعان التىن 6,4%, راففينيرلەنگەن مىس 8%, قۇيما التىن ءوندىرۋ 35%, تۇيىرشىكتەردەگى كۇمىس 25%, باستاپقى اليۋميني 1% جانە باسقا دا كورسەتكىشتەردىڭ ءوسۋى ارقىلى قول جەتكىزىلدى.
قارا مەتاللۋرگيادا ءوسىم 0,3% بولدى. ارماتۋرا يلەمى 11%, فەررو-سيليكو-مارگانەتس 13%, ارماتۋرالار, شارلار جانە دومالاق شىبىقتاردىڭ تاۋار ءوندىرىسى 3% ءوستى. ب. اتامقۇلوۆ اتاپ وتكەندەي, جاڭا جاعدايعا بەيىمدەلىپ, جاڭا وندىرىستەردى جولعا قويۋ ارقىلى ءوندىرىس قۋاتىن ارتتىرۋ فارماتسەۆتيكا ونەركاسىبىندە 39,7% وسۋگە قول جەتكىزۋگە مۇمكىندىك بەردى. جەڭىل ونەركاسىپتە ءوندىرىس 16,4% ءوستى, ول توقىما بۇيىمدارى ءوندىرىسىنىڭ 4,4%, كيىمنىڭ 1,4% جانە بىلعارى ونىمدەردىڭ 160,3% ۇلعايۋى ەسەبىنەن مۇمكىن بولدى. قاعاز جانە قاعاز ونىمدەرىندە ءوندىرىس كولەمىنىڭ ءوسىمى 15% قۇرادى. اعاش جانە تىعىن بۇيىمدارىنىڭ ءوندىرىس كولەمى 52,6% قامتاماسىز ەتىلدى.
كولىك سالاسىندا ناقتى كولەم يندەكسى 2020 جىلدىڭ 10 ايىندا 82,7% قۇرادى.
"پاندەميانىڭ كولىك سالاسىنا تەرىس اسەرىنە قاراماستان, ونىڭ جەكەلەگەن باعىتتارىندا ءوسىم بايقالدى", — دەدى ب. اتامقۇلوۆ.
كونتەينەرلەردىڭ ترانزيتتىك تاسىمالى وتكەن جىلدىڭ وسى كەزەڭىمەن سالىستىرعاندا 35,4%-عا ارتىپ, 718 مىڭ جيىرما فۋنتتىق بالامانى قۇرادى. كولىكتىڭ بارلىق تۇرىمەن جۇك تاسىمالداۋ كولەمى 3,2 ملرد توننانى قۇرادى. 2020 جىلدىڭ قازان ايىندا تاسىمالدانعان جولاۋشىلار سانى قىركۇيەك ايىمەن سالىستىرعاندا 15,5%-عا ءوستى.
اۋە تاسىمالى ارقىلى جولاۋشىلار تاسىمالداۋ 1,6%-عا ارتىپ, 621 مىڭ ادامدى قۇرادى. قىتاي-ەۋروپا-قىتاي باعىتىندا كونتەينەرلىك تاسىمالدار 10%-عا نەمەسە 5,1 جيىرما فۋنتتىق بالاماعا ارتىپ, 55,9 جيىرما فۋنتتىق بالاماعا جەتتى. جۇك تاسىمالى سالاسىندا دا ءوسىم بار. اتاپ ايتقاندا, قازان ايىندا جۇك تاسىمالىنىڭ جالپى كولەمى 2020 جىلعى قىركۇيەكپەن سالىستىرعاندا 3,4%-عا ءوستى. قۇرىلىس سالاسىندا ناقتى كولەم يندەكسى 2020 جىلدىڭ 10 ايىندا 110,7% قۇرادى.
15 وڭىردە وڭ ديناميكا بايقالادى. تۇرعىن ءۇي قۇرىلىسىندا بيىلعى 10 ايدىڭ قورىتىندىسىندا 10 ملن 744 مىڭ شارشى مەتر باسپانا سالىندى, بۇل وتكەن جىلدىڭ وسىنداي كەزەڭىمەن سالىستىرعاندا 109,7% قۇرايدى. بۇگىنگە تاڭعا رەسپۋبليكا بويىنشا بارلىعى 94 مىڭ 737 باسپانا پايدالانۋعا بەرىلدى. وتكەن جىلمەن سالىستىرعاندا تۇرعىن ءۇيدى پايدالانۋعا بەرۋ كولەمىنىڭ 15 وڭىردە ارتقانى بايقالادى.
"مينيسترلىك 2020 جىلعا قويىلعان مىندەتتەردى ورىنداۋ ءۇشىن رەتسەسسياسىنىڭ تارالۋىن تەجەۋ جانە بارىنشا زارداپ شەككەن سالالارداعى جاعدايدى تۇراقتاندىرۋ ءۇشىن قاجەتتى بارلىق شارانى قابىلداپ جاتىر. جىل قورىتىندىسىندا جوسپارلى كورسەتكىشتەرگە قول جەتكىزەمىز", — دەپ تۇيىندەدى ب. اتامقۇلوۆ.
