قارۋلى كۇشتەر تۇرلەرىنىڭ باس قولباسشىلارىنا, وڭىرلىك قولباسشىلىقتار اسكەرلەرىنىڭ, اسكەر تەكتەرىنىڭ قولباسشىلارىنا 25 قاراشاعا دەيىن وقۋ جىلىنا تولىق ازىرلىكتى قامتاماسىز ەتۋ تاپسىرىلدى. بۇل ەڭ الدىمەن وقۋ-ماتەريالدىق بازانى, وقۋ-جاۋىنگەرلىك توبىنىڭ قارۋ-جاراعى مەن اسكەري تەحنيكاسىن جوسپارلاۋ جانە دايىنداۋ ماسەلەلەرىنە قاتىستى.
سونىمەن قاتار, وسى ۋاقىتقا دەيىن وتكەن جىلدىڭ قورىتىندىلارى شىعارىلىپ, الداعى ۋاقىتقا مىندەتتەر قويىلۋى ءتيىس. اعىمداعى جىلدىڭ قاراشا ايىندا قورعانىس مينيسترلىگىنىڭ القا وتىرىسىن وتكىزۋ بەلگىلەندى. وتىرىستا ارميانىڭ تىنىس–تىرشىلىگىنىڭ نەگىزگى ماسەلەلەرى, جەدەل جانە جاۋىنگەرلىك دايارلىق, اسكەري ءتارتىپتىڭ جاي-كۇيى, ماتەريالدىق-تەحنيكالىق قامتاماسىز ەتۋ, سىبايلاس جەمقورلىققا قارسى زاڭنامانى ساقتاۋ قارالادى.
پارلامەنت ءماجىلىسى دەپۋتاتتارىن سايلاۋعا دايىندىق قىزمەتتىڭ ماڭىزدى باعىتى بولۋعا ءتيىس. بارلىق ۇيىمداستىرۋ ماسەلەلەرىن رەتتەيتىن جۇمىس توبى قۇرىلدى. ماسەلەن, بارلىق اسكەري قىزمەتشىلەرگە, ونىڭ ىشىندە مەرزىمدى قىزمەتتەگى اسكەري قىزمەتشىلەر مەن كۋرسانتتارعا, سونداي-اق شەت ەلدەردەگى كۋرسانتتارعا داۋىس بەرۋگە كەدەرگىسىز قاتىسۋعا مۇمكىندىك بەرۋ بولىپ تابىلادى.
اۆتوماتتاندىرىلعان باسقارۋ جۇيەسىن قولدانۋ اياسىن كەڭەيتۋ بويىنشا تاپسىرمالار بەرىلدى. وعان ەلەكتروندى قۇجات اينالىمى دا, اسكەرلەردىڭ قىزمەتىنە قاجەتتى مالىمەتتەردى ساندىق ەسەپكە الۋ دا كىرەدى. اسكەري باسقارۋ ورگاندارىندا بولىمشەلەر قۇرىلدى, ال اسكەري بولىمدەردە اۆتوماتتاندىرىلعان باسقارۋ جۇيەسى قىزمەتىن ۇيىمداستىرۋدى قامتيتىن لاۋازىمدار ەنگىزىلدى. باسقارۋدىڭ اۆتوماتتاندىرىلعان جۇيەسىن جەتىلدىرۋ ماتەريالدىق قاراجاتتىڭ جۇمسالۋىن, ادام رەسۋرستارىن پايدالانۋدى قىسقارتۋعا مۇمكىندىك بەرەدى, سونداي-اق بارلىق دەڭگەيلەردە نەعۇرلىم جەدەل شەشىم قابىلداۋدى قامتاماسىز ەتەدى.
قورعانىس ءمينيسترى گەنەرال-لەيتەنانت نۇرلان ەرمەكباەۆ جاۋىنگەرلىك ازىرلىكتى ساقتاۋدىڭ ماڭىزدى فاكتورى بولىپ تابىلاتىن كوروناۆيرۋستىق ينفەكتسيانىڭ تارالۋىنىڭ الدىن الۋ جونىندەگى ءىس-شارالاردىڭ مۇلتىكسىز ورىندالعانىن ەسكە سالدى. ولارعا سانيتارلىق شارالار (دەزينفەكتسيالىق وڭدەۋ, مەديتسينالىق باقىلاۋ, ۋاقتىلى دياگنوز قويۋ) جانە ۇيىمداستىرۋشىلىق (الەۋمەتتىك قاشىقتىق, قاشىقتان جانە ونلاين رەجيمىندە جۇمىس ىستەۋ, بايلانىسقا شەكتەۋ قويۋ) كىرەدى.
اعىمداعى جىلى نۇر-سۇلتان مەن الماتى قالالارىندا بيۋدجەت قاراجاتىنان ەمەس, جابدىقتالعان ەكى پتر-زەرتحانا پايدالانۋعا بەرىلدى. سونىمەن قاتار, جاقىن ارادا باسقا وڭىرلەردەگى اسكەري مەديتسينالىق مەكەمەلەر جۇيەسىندە پتر-زەرتحانالاردى ىسكە قوسۋدى قامتاماسىز ەتۋ تۋرالى نۇسقاۋلار بەرىلدى.
قورعانىس ۆەدومستۆوسىنىڭ باسشىسى قابىلدانىپ جاتقان سانيتارلىق-ەپيدەميولوگيالىق شارالارعا قاراماستان, جەدەل جانە جاۋىنگەرلىك دايارلىقتىڭ قارقىندىلىعى, اسكەرلەردىڭ جاۋىنگەرلىك وقۋ ساپاسى تومەندەمەۋگە ءتيىس ەكەنىن اتاپ ءوتتى. جەلتوقسان مەرەكەلەرى قارساڭىندا الدىن الۋ شارالارىن ەسكەرە وتىرىپ, بارلىق سالتاناتتى ءىس-شارالاردى وتكىزۋ تۋرالى ماسەلەنى پىسىقتاۋ تاپسىرىلدى.
ەلىمىزدىڭ بارلىق وڭىرلەرىندە جۇمىلدىرۋ رەسۋرستارىن دايىنداۋ ساپاسىن ارتتىرۋ بويىنشا مىندەتتەر قويىلدى. بۇدان باسقا, جاس بۋىندى اسكەرگە شاقىرۋ جانە قابىلداۋ بارىسىندا ماتەريالدىق قامتاماسىز ەتۋ, ونىڭ ىشىندە زاتتاي م ۇلىكپەن قامسىزداندىرۋ, تاماقتاندىرۋ, مەرزىمدى قىزمەتتەگى اسكەري قىزمەتشىلەردى ورنالاستىرۋ ءۇشىن كازارمالىق-تۇرعىن ءۇي قورىن دايىنداۋ ماسەلەلەرىنە ەرەكشە نازار اۋدارىلدى.
