جينالىستا جەرگىلىكتى اتقارۋشى ورگانداردىڭ رەسپۋبليكالىق بيۋدجەت قاراجاتى ەسەبىنەن كومپيۋتەرلىك تەحنيكانى ساتىپ الۋى جانە تەحنيكانىڭ جەتكىزىلۋى بويىنشا ماسەلەلەر قارالدى. رۇستەم بيعاري مەملەكەت باسشىسى قويعان مىندەت ورىندالىپ, ءبىرىنشى قىركۇيەككە دەيىن وقۋشىلارعا قاشىقتان وقۋ ءۇشىن قاجەت 500 مىڭعا جۋىق كومپيۋتەر جەتكىزىلگەنىن اتاپ ءوتتى.
اكىمدىكتەر مەكتەپتەرگە كومپيۋتەرلىك تەحنيكانى ساتىپ الۋ بويىنشا جۇمىستى ءالى دە جالعاستىرىپ جاتىر. الايدا, بىرقاتار وڭىردە تەحنيكانى جەتكىزۋ مەرزىمدەرى, ليتسەنزيالىق قامتاماسىز ەتۋ, كەپىلدىك بەرۋ جانە سەرۆيستىك قىزمەت كورسەتۋگە بايلانىستى پروبلەمالار تۋىندادى.
ء"بىز بۇل ماسەلەلەردى اپپاراتتىق جينالىستا بىرنەشە رەت قاراستىردىق. بۇل – مەملەكەت قاراجاتى. ءاربىر كومپيۋتەرلىك تەحنيكانى ساتىپ الۋ تىكەلەي سىزدەردىڭ مويىندارىڭىزدا. اشىقتىقتى تولىق قامتاماسىز ەتۋ قاجەت. ءاربىر اكىمدىك الدىمەن كومپيۋتەرلىك تەحنيكانى تەكسەرىپ العان سوڭ عانا ونى قابىلداپ, وقۋشىلارعا جەتكىزۋلەرى قاجەت. بعم ساتىپ الۋ پروتسەسىنە قاتىسپايدى. ۇكىمەت اكىمدىكتەرگە قاجەت قاراجاتتى جەدەل بەرىپ, جاعداي جاسادى", دەپ اتاپ ءوتتى ءبىلىم جانە عىلىم ۆيتسە-ءمينيسترى رۇستەم بيعاري.
ءبىلىم الۋشىلاردى قاجەتتى اقپاراتتىق رەسۋرستار جانە كومپيۋتەرلىك تەحنيكامەن قامتاماسىز ەتۋگە بولىنگەن قاراجاتتىڭ يگەرىلۋى بويىنشا سىبايلاس جەمقورلىق كورىنىستەرىن باقىلاۋ ءارى بولدىرماۋ ماقساتىندا "Adaldyq alańy" جوبالىق كەڭسەسىنىڭ وكىلدەرى مەن سىبايلاس جەمقورلىققا قارسى ءىس-قيمىل اگەنتتىگىنىڭ ارنايى مونيتورينگتىك توپتارىنىڭ مۇشەلەرىنىڭ قاتىسۋىمەن مونيتورينگ جۇرگىزۋ ءۇشىن 2020 جىلعى شىلدە ايىندا بعم قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگىنە حات جولداعانىن ەستەرىڭىزگە سالا كەتەيىك.
"يا, بۇرىن-سوڭدى تەحنيكانى وسىنداي كولەمدە ساتىپ الۋ بولعان ەمەس. ارينە, پاندەميا مەن لوگيستيكا ماسەلەلەرىنە بايلانىستى كەدەرگىلەر بولۋى مۇمكىن. جەتكىزۋشىلەردىڭ مۇنداي سىلتاۋلارىنا قاراماي, ولاردان ءتيىستى جۇمىستى تالاپ ەتۋىمىز كەرەك. قولدا بار بارلىق مەحانيزمدى پايدالانۋ كەرەك ەدى. كەپىلدىك قىزمەت كورسەتۋ, ساپا بولۋى كەرەك", دەدى ءبىلىم جانە عىلىم ۆيتسە-ءمينيسترى.
