ءىح قالالىق ازاماتتىق فورۋمىندا ۇەۇ قاتىسۋىمەن جۇمىس كەزدەسۋلەرىن وتكىزۋ شەڭبەرىندە كۇن تارتىبىنە كىرەتىن ماسەلەلەر قاراستىرىلادى.
وسىعان وراي, بۇگىن "پيك-پەن بىرىگىپ جۇمىس جاساۋ جانە تكش سالاسىنداعى وزەكتى ماسەلەلەردى شەشۋدەگى ۇەۇ ءرولىن ارتتىرۋ ماسەلەلەرى" تاقىرىپتىق سەسسياسىنىڭ وتىرىسى ءوتتى.
تاقىرىپتىق سەسسياعا ۇەۇ باسشىلارى, "iQamal" اسسوتسياتسياسىنىڭ, پيك, تەكسەرۋ كوميسسياسىنىڭ, تۇرعىن ءۇي ينسپەكتسياسىنىڭ, "ەسىل", "الماتى" جانە "بايقوڭىر" اۋداندارى اكىمدىكتەرىنىڭ وكىلدەرى, سونداي-اق قالانىڭ بەلسەندى تۇرعىندارى قاتىستى.
كەزدەسۋ بارىسىندا جۇمىستىڭ جاڭا فورماتىنا كوشۋ اياسىندا ۇەۇ مەن پيك بىرىگىپ جۇمىس جاساۋ ماسەلەلەرى, تكش سالاسىنداعى ازاماتتاردى تولعاندىراتىن وزەكتى ماسەلەلەر, تكش سالاسىنداعى قولدانىستاعى زاڭناماعا وزگەرىس ەنگىزۋ قاجەتتىلىگى, سونداي-اق تۇرعىنداردىڭ اتالعان ماسەلەلەرىن شەشۋگە مەنشىك يەلەرىن تارتۋ بويىنشا ودان ءارى قادامدار قارالدى.
"ايتا كەتۋ كەرەك, ءبىز تكش-دا قانشا پروبلەمالىق ماسەلەلەر جينالعانىن كورىپ وتىرمىز, بىراق ءبىزدىڭ مىندەتىمىز كىمنىڭ كىنالى ەكەنىن جانە قالاي بولعانىن ءتۇسىنۋ ەمەس. ءبىز ازاماتتاردى تولعاندىراتىن ماسەلەلەردى شەشۋدە ۇەۇ- مەن بىرلەسكەن قىزمەتتىڭ ءتيىمدى تاسىلدەرىن ازىرلەۋدى كوزدەپ وتىرمىز", - دەدى "ارناۋ” دامۋ ورتالىعى" قوعامدىق بىرلەستىگىنىڭ جەتەكشىسى ۇلان ابىشەۆ.
ەستەرىڭىزگە سالا كەتەيىك, ازاماتتىق فورۋم ەكى جىلدا ءبىر رەت وتكىزىلەدى. الدىڭعى فورۋم ەلوردادا 2018 جىلى ءوتتى. بيىل شارا 17 قاراشاعا جوسپارلانعان.
