"كرەاتيۆتى ويلاپ, زامان اعىمىنا قاراي باتىل قادام باسا بىلگەن وتە دۇرىس. كەز - كەلگەن كاسىپتىڭ قىر - سىرىن مەڭگەرگەن ادام قاتارىنان وزادى. مال شارۋاشىلىعىن دامىتىپ جۇرگەن وزدەرىڭىزدەي جاستاردىڭ بارىن ەستىپ, ارنايى كەلدىم. بىلگەن كىسىگە مال اسىراۋ ءارى جۇمىس, ءارى پايدا كوزى. كارانتين كەزىندە كاسىپتىڭ كوزىن تاۋىپ, ەلەكتروندى كوممەرتسياعا كوشكەن بەتبۇرىستارىڭىز ۇلگى بولار ءىس",-دەدى ومىرزاق ەستاي ۇلى اۋىل جاستارىمەن كەزدەسۋ بارىسىندا.
جاڭا بۋىن وكىلدەرى اقباستاۋ ەلدى مەكەنىندەگى "Ernur كورپوراتسياسى" جەكە سەرىكتەستىگىنىڭ كەشەندى شارۋاشىلىعىندا باس قوستى. ولاردىڭ بارلىعى ەگىن جانە مال شارۋاشىلىعىن مىقتاپ قولعا العان. ءوز تەحنيكاسى مەن 4 مىڭ گا دەيىن شارۋا قوجالىقتارىنا يەلىك ەتەدى.
وسى شارۋامەن تۇبەگەيلى اينالىساتىن اۋىل تۇرعىنى الماز التاي ۇلى اسىل تۇقىمدى ءىرى مال سانىن ارتتىرۋدى قولعا العان. كارانتيندى كەدەرگى كورمەگەن ازامات ونلاين تاپسىرىس بەرۋ ارقىلى تاۋلى التايدان كالمىقتىڭ اسىل تۇقىمدى 121 سيىرىن ساتىپ العان. الەۋمەتتىك جەلىنىڭ كومەگىمەن شەتەلدەن ءتورت ت ۇلىكتى تاپسىرىسپەن الدىرعان ازامات وسىلايشا ارتىق شىعىننان ارىلعانىن ايتادى.
اۋداندا ءتورت ت ۇلىكتى ونلاين تۇردە ساۋدالاۋ ءىسى قارقىن العان. كوروناۆيرۋس ىندەتىنە بايلانىستى مال بازالارىنىڭ جابىلۋى بوگەت بولماعان بايدىبەكتىكتەر ەل اراسىندا ءجيى پايدالاناتىن مەسسەندجەرلەردە ساۋدا جۇرەتىن چاتتار اشقان. ونلاين بازاردا جىلقى, سيىر, قوي, ەشكى جانە ءۇي قۇسىنىڭ ءتۇر-ءتۇرىن, ءتىپتى ەكزوتيكالىق تاۋىس قۇسىنا (پاۆلين) دەيىن ساتىپ الۋعا بولادى.
اۋدان جاستارى ءتورت ت ۇلىكتى ساۋدالاۋعا ارنالعان سايت قۇراستىرۋعا كىرىسپەك. ازىرگە مال ساتىپ الۋ-ساتۋ ءۇشىن 7000-عا جۋىق تۇرعىن WhatsApp پەن Telegram مەسسەندجەرلەرى ارقىلى "بەرەكەلى بايدىبەك" "بايدىبەك مال بازارى" چاتىنا تىركەلىپ, پايدالانۋ تيىمدىلىگىن تۇسىنگەن.
"كارانتين كەزىندە اۋىلداعى جاس كاسىپكەرلەر ورتاق چات اشىپ, ساۋدانى جالعاستىردىق. وتە ىڭعايلى. ءار دەمالىس سايىن حالىق مالىن جەتەكتەپ, مال بازارىنا اعىلالى. وندا ورىن ءۇشىن قارجى شىعىندايدى. كۇنى بويى تۇرىپ, مالى وتسە ءوتتى, وتپەسە قايتا جەتەكتەپ ۇيىنە قايتادى. سوندىقتان بارىنە ورتاق ماسەلەنى وسىلاي شەشتىك. الدا ارنايى سايت اشىپ, بايدىبەك اۋدانىنىڭ مال شارۋاشىلىعىن ءارى قاراي دامىتۋدى كوزدەيمىز", - دەيدى شارۋا قوجالىعىنىڭ باسشىسى ابىلاي قايرات ۇلى.
اۋىلشارۋاشىلىعى باسقارماسى بەرگەن مالىمەتكە سۇيەنسەك, وسى جىلدىڭ 9 ايىندا وڭىردە مال باسى شامامەن 5-7 ال, ەت ءوندىرۋ 2,2 پايىزعا ارتقان.
عالامتورداعى ساۋداسى نەگىزىنەن maltabu.kz, malsatu kz, malbazar kz, جانە whatsApp, Telegram جەلىلەرى ارقىلى قىزادى. سونىمەن قاتار, مال تۇقىمىن اسىلداندىرۋ ءۇشىن شەتەلدەن مال اكەلۋ ماسەلەسى دە توقتاماپتى. كارانتيگە قاراماي بيىلدىققا سىرتتان 3000-عا جۋىق ءىرى قارا ساتىپ الىنعان. ودان بولەك تۇيە شارۋاشىلىعىن دامىتۋ ءۇشىن 1305 باس ويسىل قارا تۇقىمى الىنعان. جۇيەلى جۇمىستاردىڭ ارقاسىندا وڭىردە مال باعاسىن ءبىر قالىپتى ۇستاپ تۇرۋعا مۇمكىندىك تۋعان.
ناتيجەسىندە مال باققان شارۋالار دا شىعىنعا باتپاي, وڭىردە ءتورت ت ۇلىك ءونىمىنىڭ نەگىزسىز قىمباتتاۋىنا جول بەرىلمەگەن. قازىر وڭىردە وندىرىلگەن ەت ونىمدەرى ەل اۋماعىمەن قاتار, كورشى وزبەكستان رەسپۋبليكاسىنا ساۋدالانۋدا.
