قولباسشىلىقتىڭ ءباسپاسوز قىزمەتىنىڭ مالىمەتىنشە, پوليگونداردى تازالاۋعا ينجەنەرلىك بولىمشەلەردىڭ ساپەرلەرى جۇمىلدىرىلدى. ولار جەكە قورعانۋ قۇرالدارىمەن, 0,6 مەتر تەرەڭدىكتەگى جارىلعىش زاتتاردى تابۋعا ارنالعان زاماناۋي مينا دەتەكتورلارىمەن, بايلانىس قۇرالدارىمەن, سونداي-اق, جارىلعىش زاتتاردى تاسىمالدايتىن ارنايى كولىكتەرمەن قامتاماسىز ەتىلدى.
ءىس-شارا بارىسىندا ماڭعىستاۋ, اقتوبە, اتىراۋ وبلىستارىندا ورنالاسقان "ويماشا", "بەينەۋ", "ەسەت باتىر" جانە "قارابوتان" پوليگوندارىنىڭ اۋماعىنان 48 مىڭ گەكتاردان استام جەر تازارتىلدى.
"تازارتۋ جۇمىستارىنىڭ باستى ماقساتى – جارىلماعان وق-دارىلەردى جويۋ. سەبەبى, مۇنداي وق-دارىلەرى ىستەن شىققان. اسكەري جاتتىعۋ ساباقتارى ءۇشىن قاۋىپسىز جاعداي جاساۋ ءۇشىن قاجەت. قاۋىپسىزدىك ماقساتىندا بارلىق جارىلعىش زاتتار دەتوناتسيا ادىسىمەن تابىلعان ورنىندا جويىلادى", دەيدى اسكەري ءبولىمنىڭ ينجەنەرلىك قىزمەتىنىڭ باستىعى كاپيتان نۇرجان ساپاربەكوۆ.
