سەناتتىڭ كەزەكتى وتىرىسى 12 قاراشادا وتكىزىلەدى. وندا ءماجىلىس ماقۇلداعان "1994 جىلعى 9 قىركۇيەكتەگى ەۋرازيالىق پاتەنت كونۆەنتسياسىنا ونەركاسىپتىك ۇلگىلەردى قورعاۋ تۋرالى حاتتامانى راتيفيكاتسيالاۋ تۋرالى" زاڭ جوباسى قارالادى. سونداي-اق, سەناتورلار "سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى" قازاقستان رەسپۋبليكاسىنىڭ كودەكسىنە (سالىق كودەكسى) جانە "سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى" قازاقستان رەسپۋبليكاسىنىڭ كودەكسىن (سالىق كودەكسى) قولدانىسقا ەنگىزۋ تۋرالى" قازاقستان رەسپۋبليكاسىنىڭ زاڭىنا وزگەرىستەر مەن تولىقتىرۋلار ەنگىزۋ تۋرالى زاڭ جوباسىن دا قارايدى.
سونىمەن قاتار بيۋرودا ماجىلىستەن كەلىپ تۇسكەن "ەۋرازيالىق ەكونوميكالىق وداققا مۇشە مەملەكەتتەردىڭ ەڭبەكشىلەرىن زەينەتاقىمەن قامسىزداندىرۋ تۋرالى كەلىسىمدى راتيفيكاتسيالاۋ تۋرالى" زاڭ جوباسى سەناتتىڭ الەۋمەتتىك-مادەني دامۋ جانە عىلىم كوميتەتىنە بەرىلدى.
ودان بولەك, وتىرىس بارىسىندا سەناتورلار وتكەن اپتادا ۇيىمداستىرىلعان قازاقستاننىڭ سۋ قاۋىپسىزدىگىن قامتاماسىز ەتۋگە ارنالعان ۇكىمەت ساعاتىنىڭ قورىتىندىسىنا توقتالدى. سەنات توراعاسى ماۋلەن اشىمباەۆ ءىس-شارا كەزىندە وزەكتى ماسەلەلەر تالقىلانىپ, ناقتى ۇسىنىستار ايتىلعانىن اتاپ ءوتتى جانە الداعى ۋاقىتتا ولاردى وڭ شەشۋ ءۇشىن ۇكىمەتپەن بىرلەسىپ جۇمىس ىستەۋ قاجەتتىگىنە نازار اۋداردى.
