سارىاعاش اپب-نە “102” سىمتەتىگى ارقىلى “قازىعۇرت” شەكارا باقىلاپ وتكىزۋ بەكەتىنەن حابارلاما كەلىپ تۇسكەن. وندا “نيفي” اتتى قىزمەتتىك يت وزبەكستان رەسپۋبليكاسىنا قاراي ءوتىپ بارا جاتقان “ۆولۆو” ماركالى جۇك كولىگىنە ءۇرىپ, ءبىر بەلگى بەرگەنىن ايتقان. وسى حابارلاما بويىنشا سارىاعاش اپب-ءنىڭ شۇعىل تەرگەۋ توبى از ۋاقىت ىشىندە شەكارا بەكەتىنە تولىق قۇرامدا جەتكەن.
پوليتسيا قىزمەتكەرلەرى تەكسەرۋ بارىسىندا شەتەلدىكتىڭ كولىگىندە جاسىرىلعان ەسىرتكى زاتىن تاپتى. ءتىنتۋ بارىسىندا جەدەل ۋاكىلدەر وزىنە ءتان حوش ءيىسى بار ءبىر پاكەت ەسىرتكى زاتىن تاركىلەدى. ساراپتاما قورتىندىسىنا سايكەس, تاركىلەنگەن ەسىرتكى زاتى 26 گرامعا جۋىق كەپتىرىلگەن “ماريحۋانا” بولىپ شىقتى.
قازىرگى ۋاقىتتا اتالعان جايت قر قك-ءنىڭ 296-بابى (ەسiرتكi, پسيحوتروپتىق زاتتاردى, سول تەكتەستەردى وتكىزۋ ماقساتىنسىز زاڭسىز دايىنداۋ, قايتا وڭدەۋ, يەمدەنۋ, ساقتاۋ, تاسىمالداۋ) بويىنشا قىلمىستىق ءىس تىركەلدى. بۇگىنگى تاڭدا كۇدىكتى ۋاقىتشا ۇستاۋ اباقتىسىنا قاماۋعا الىندى. پوليتسيا قىزمەتكەرلەرى وقيعانىڭ تولىق ءمان-جايىن انىقتاۋدا.
تۇركىستان وبلىسىنىڭ پوليتسەيلەرى ەسىرتكى قولدانىپ نەمەسە ءوسىرىپ ءوزىن عانا ەمەس بۇكىل قوعامدى ۋلاۋ زاڭ اياسىندا جاۋاپقا تارتىلاتىنىن ەسكەرتەدى. قايتا سالاۋاتتى ءومىر سالتىن ۇستانىپ, پايدالى ارەكەتتەر جاساپ ءومىر سۇرۋگە شاقىرادى.
