سەنبىدە ءباا پرەزيدەنتى حاليفا بين زەيد ءال-ناحايان جەكە مارتەبە جانە ازاماتتىق-قۇقىقتىق قاتىناستار زاڭدارى جانە قىلمىستىق ءىس جۇرگىزۋ كودەكستەرىنىڭ بىرنەشە ەرەجەلەرىنە تۇزەتۋلەر ەنگىزۋدى ماقۇلدادى. اتاپ ايتقاندا, "ابىرويدى قورعاۋعا ارنالعان قىلمىس" دەپ اتالاتىن قىلمىستى جەڭىلدەتۋدى كوزدەيتىن باپ جويىلدى.
تۇزەتۋلەر ماقۇلدانعاننان كەيىن ءباا-دە الكوگولدى ىشىمدىك ءىشۋ قىلمىستىق جاۋاپكەرشىلىككە جاتپايدى. 21 جاستان اسقان ازاماتتارعا ەندى جەكە نەمەسە بەلگىلى ءبىر قوعامدىق ورىنداردا الكوگولدى ىشۋگە رۇقسات ەتىلەدى. بۇعان دەيىن ءباا-دە الكوگولدى ىشۋگە جانە ساتىپ الۋعا تۋريستەر مەن شەتەلدىك ازاماتتار 21 جاستان اسقان جانە مۇسىلمان بولماسا عانا رۇقسات ەتىلگەن.
سونىمەن قاتار, باسىلىم ماقۇلدانعان تۇزەتۋلەر سۋيتسيدكە ارەكەت جاساعانى ءۇشىن قىلمىستىق قۋدالاۋدى الىپ تاستاپ, نەكەدە تۇرماعان جۇپتاردىڭ بىرگە ءومىر سۇرۋىنە مۇمكىندىك بەرەتىندىگىن اتاپ ءوتتى.
