ورتاق بيرجالىق كەڭىستىك وداق ەلدەرىنىڭ ۇيىمداسقان نارىقتارىندا باعالى قاعازدار مەن قارجى قۇرالدارى ارقىلى بيرجالىق ساۋدانىڭ كەلىسىلگەن راسىمدەرى جانە تەحنولوگيالار نەگىزىندە ءوزارا بىرىكتىرىلىپ, بايلانىستىرىلعان جۇيە رەتىندە قۇرىلادى. سونداي-اق كوميسسيا مۇشەلەرى ەاەو-نىڭ ورتاق قارجى نارىعىن دامىتۋعا ىقپال ەتەتىنە سەنىمدى.
«ەاەو شەڭبەرىندەگى ورتاق بيرجالىق كەڭىستىك كاپيتالدىڭ ەركىن قوزعالىسىن قالىپتاستىرۋعا, قوردىڭ ساپاسىن ارتتىرۋعا, حالىقتىڭ ينۆەستيتسيالىق جانە جيناق مۇمكىندىكتەرىن كەڭەيتۋگە, سونداي-اق ترانسشەكارالىق وپەراتسيالاردىڭ جۇرگىزۋ تەتىكتەرىن قۇرۋعا مۇمكىندىك بەرەدى. جول كارتاسىن ىسكە اسىرۋ ناتيجەسىندە مۇشە مەملەكەتتەر ەميتەنتتەرىنىڭ ترانسشەكارالىق بەلسەندىلىگى ارتىپ, بيرجالىق ساۋداعا قاتىسۋشىلاردىڭ ءوزارا ءىس-قيمىلى كەڭەيتىلىپ قانا قويماي, ينۆەستورلاردىڭ ەاەو-نىڭ قارجى نارىقتارىنا سەنىمى ارتادى», دەدى ەۋرازيالىق ەكونوميكالىق كوميسسيانىڭ ەكونوميكا جانە قارجى ساياساتى جونىندەگى القا مۇشەسى تيمۋر جاقسىلىقوۆ.
جول كارتاسى بىرقاتار حالىقارالىق شارت نەگىزىندە ازىرلەنگەن. اتاپ ايتقاندا, مۇشە مەملەكەتتەردىڭ بروكەرلەرى مەن ديلەرلەرىنە وداقتىق مەملەكەتتەر بيرجالارىنىڭ ساۋدا-ساتتىعىنا قاتىسۋعا رۇقسات بەرۋ, مۇشە مەملەكەتتەردىڭ بيرجالارىنا باعالى قاعازداردى شىعارۋدى قامتاماسىز ەتۋ, اقپاراتتى بەرۋدىڭ بىرىزدەندىرىلگەن فورماتتارى مەن ارنالارى بويىنشا ەلەكتروندى ءوزارا ءىس-قيمىلدى, كورپوراتيۆتىك جانە قارجىلىق اقپاراتتى اشۋدىڭ بىرلەسكەن جۇيەسىن قۇرۋ, باعالى قاعازدار نارىعىنداعى تەرىس ارەكەتتەردى الدىن الىپ, ينۆەستورلاردىڭ قۇقىعىن قورعاۋدى, سونداي-اق بىرىكتىرىلگەن ەسەپ ايىرىسۋ دەپوزيتارلىق كلاستەردى جانە كليرينگتىك جۇيەنى قۇرۋدى قاراستىرادى.
وداقتىڭ ورتاق بيرجالىق كەڭىستىگى قارجى نارىقتارىنىڭ ينۆەستيتسيالىق تارتىمدىلىعىن ارتتىرىپ, مۇشە مەملەكەتتەردىڭ ۇلتتىق ەكونوميكالارىنا قوسىمشا رەسۋرستار تارتۋعا جول اشادى دەيدى كوميسسيا القاسى.
قۇجاتتى ەۋرازيالىق ەكونوميكالىق وداقتىڭ ورتاق قارجى نارىعىن قالىپتاستىرۋ تۇجىرىمداماسى شەڭبەرىندە ەۋرازيالىق ەكونوميكالىق كوميسسيانىڭ قارجى ساياساتى دەپارتامەنتى ەاەو ەلدەرىنىڭ ۋاكىلەتتى ورگاندارىمەن بىرلەسىپ دايىنداعان.
القالى وتىرىستا الكوگول ءونىمىنىڭ قاۋىپسىزدىگى تۋرالى ەۋرازيالىق ەكونوميكالىق وداقتىڭ (ەاەو) تەحنيكالىق رەگلامەنتىنىڭ كۇشىنە ەنۋ مەرزىمىن 2022 جىلعا دەيىن ۇزارتۋعا شەشىم قابىلدادى. بۇل تۋرالى ەەك القاسى توراعاسىنىڭ كومەكشىسى يا مالكينا Facebook-تەگى پاراقشاسىندا ايتتى.
«ەەك القاسى ەاەو-نىڭ «الكوگول ءونىمىنىڭ قاۋىپسىزدىگى تۋرالى» تەحنيكالىق رەگلامەنتىنىڭ كۇشىنە ەنۋ مەرزىمىن 2022 جىلعى 1 قاڭتارعا اۋىستىردى. بۇل تەحنيكالىق رەگلامەنتكە وزگەرىستەردى دايىنداۋ ءۇشىن قاجەت», دەيدى ي.مالكينا.
تەحنيكالىق رەگلامەنت ەاەو ەلدەرىندە الكوگول ونىمدەرىن ءوندىرۋ, تاسىمالداۋ, ساقتاۋ جانە وتكىزۋ بويىنشا بىرىڭعاي تالاپتاردى بەلگىلەيدى. وسىعان دەيىن ونى 2021 جىلى قابىلدانادى دەپ جوسپارلانعان ەدى.
