“جۇمىس اپتاسى سوڭىندا ازاماتتاردى قابىلدادىم. كەم دەگەندە ءبىر ادامنىڭ ماسەلەسى شەشىلسە, ول تەك سول ادامنىڭ جاعدايىن جاقسارتىپ عانا قويماي, سونىمەن بىرگە ونىڭ وتباسى مەن جاقىندارىنىڭ دا جاعدايىن جاقسارتادى.
قالا تۇرعىندارى كوتەرگەن نەگىزگى ماسەلەلەر قاتارىنا تۇرعىن ءۇي, مەديتسينالىق كومەك, ءبىلىم الۋ, جۇمىسقا ورنالاسۋ جانە ت.ب. جاتادى. باسپانا كەزەككە سايكەس بەرىلەدى. سونىمەن بىرگە بىرقاتار تۇرعىن ءۇي باعدارلامالارى دا بار. قازاقستاندىق يپوتەكالىق كومپانيامەن بىرلەسە الەۋمەتتىك پاتەرلەردى الۋشىلار ءتىزىمىن بىرنەشە ەسە كەڭەيتتىك: ءبىلىم بەرۋ جانە دەنساۋلىق ساقتاۋ سالاسىنىڭ قىزمەتكەرلەرىنەن باسقا الەۋمەتتىك قىزمەتكەرلەر, تجد, پوليتسيا دەپارتامەنتىنىڭ قىزمەتكەرلەرى, مادەنيەت جانە سپورت قايراتكەرلەرى دە ەنگىزىلدى.
سونداي-اق تۇرعىن ءۇي سەرتيفيكاتتارىن الۋشىلاردىڭ ساناتىن كەڭەيتتىك. ەگەر بۇرىن تىزىمدە تەك تولىق ەمەس وتباسىلار, كوپ بالالى وتباسىلار جانە ەرەكشە قاجەتتىلىگى بار بالالاردى تاربيەلەپ وتىرعان وتباسىلار بولسا, قازىر تىزىمگە حالىقتىڭ الەۋمەتتىك ءالسىز توپتارىنىڭ بارلىق ساناتتارى ەنگىزىلدى. ونىڭ ىشىندە جەتىم بالالار دا بار.
تۇرعىن ءۇي باعدارلامالارىنا قاتىسۋ ءۇشىن ءبىز قالا تۇرعىندارىنا ءبىلىم الۋعا جانە بىلىكتىلىگىن ارتتىرۋعا, جۇمىسقا ورنالاسۋعا كومەكتەسەمىز. بيىل تەك جۇمىسپەن قامتۋ جول كارتاسى باعدارلاماسى بويىنشا 15 مىڭنان استام ادام جۇمىسقا ورنالاستىرىلدى. جارتىسىن جۇمىسپەن قامتۋ ورتالىعى ارقىلى جۇمىسقا ورنالاستىردىق.
ازاماتتاردى قابىلداۋدا ايتىلعان ماسەلەلەردى باقىلاۋعا الامىز. ازاماتتاردى ونلاين قابىلداۋدى اپتا سايىن وتكىزەمىز”,- دەپ جازدى التاي كولگىنوۆ.
