ء«بىز بۇل جوبانى مەرزىمىندە جانە ساپالى جۇزەگە اسىرۋ ءۇشىن ەڭ جاقسى رەسۋرستاردى جىبەرەمىز. قازاقستاننىڭ, اتاپ ايتقاندا قاراعاندى وبلىسىنىڭ اۆتوموبيل ونەركاسىبىن دامىتۋعا ءوز ۇلەسىمىزدى قوسۋعا دايىنبىز. جوبا جاڭا جۇمىس ورىندارىن قۇرۋ, يمپورتتى الماستىرۋ جانە ەكسپورتتىق الەۋەتتى قامتاماسىز ەتۋ سياقتى ولشەمدەرگە سايكەس كەلەدى», دەپ اتاپ ءوتتى ن.ماگانوۆ.
بىردەن ايتا كەتۋ كەرەك, قازىردىڭ وزىندە اۋقىمدى جوبانى ىسكە اسىرۋ بويىنشا جول كارتاسى ازىرلەنگەن. اسا ءىرى جوباعا سالىناتىن ينۆەستيتسيالاردىڭ جالپى كولەمى شامامەن 111 ملرد تەڭگەنى قۇرايدى. جوسپار بويىنشا زاۋىت قۇرىلىسى كەلەسى جىلدىڭ ناۋرىز ايىندا باستالماقشى.
رەسەيلىك ينۆەستوردىڭ ايتۋىنشا, ىسكە قوسىلۋى 2022 جىل دەپ بولجانعان كاسىپورىن ارادا ءۇش جىل وتكەندە ءوزىنىڭ جوبالىق قۋاتتىلىعىنا تولىق قول جەتكىزبەكشى. ياعني كاسىپورىن جىلىنا 3 ملن جەڭىل كولىك شيناسى مەن 0,5 ملن جۇك كولىگىنىڭ شيناسىن جاسايتىن بولادى. ال جەرگىلىكتى كليماتتىڭ ەرەكشەلىگىنە سايكەس جاسالىناتىن «مade in Kazakhstan» تاڭبالى بۇل ونىمدەر ىشكى نارىقپەن قاتار شەتەلدەرگە دە ەكسپورتقا شىعارىلماقشى.
قاراعاندى وبلىسىنىڭ باسشىلىعى شەتەلدىك ينۆەستورعا قولدان كەلگەن كومەكتىڭ ءبارىن كورسەتىپ جاتىر. مىسالى, كاسىپورىن قۇرىلىسىنا جەر تەلىمى بەرىلىپ, وعان ينفراقۇرىلىمدى جەتكىزۋ باستالعان. قازىردىڭ وزىندە رەسەيلىك كومپانيا وكىلدەرى ءوڭىردىڭ ينۆەستيتسيالىق كليماتىنا جوعارى باعا بەرىپ وتىر.
جەرگىلىكتى «سارىارقا» الەۋمەتتىك-كاسىپكەرلىك كورپوراتسياسى بۇل جوباعا قاتىسۋشى رەتىندە وزىندىك ۇلەسىن قوسادى.
جاڭا ءوندىرىس ورنىنىڭ ءوڭىر ءۇشىن جاڭا باعىتتى دامىتۋعا مۇمكىندىك بەرەتىن ماڭىزدى جوبا بولعالى تۇرعانى راس. ەڭ باستىسى, زاۋىت ىسكە قوسىلعان كەزدە مىڭنان استام جاڭا جۇمىس ورىندارى اشىلادى. ينۆەستور مەن جەرگىلىكتى اتقارۋشى بيلىك اراسىندا وتكەن كەزدەسۋدە ايتىلعانداي, كاسىپورىندا جەرگىلىكتى ماماندار جۇمىس ىستەيتىن بولادى. سونداي-اق جاڭا جۇمىس ورىندارىنان ۇمىتتىلەردى تاتارستاندا وقىتىپ الۋ دا دايارلىق باعدارلاماسى بويىنشا قاراستىرىلعان.
جالپى, قاراعاندى وبلىسى كورشىلەس رەسەي مەملەكەتىنىڭ ايماقتارىمەن كوپتەگەن سالا بويىنشا ارىپتەستىك تىعىز قارىم-قاتىناس ورناتقان. مىسالى, قازىرگى تاڭدا وڭىردە 891 بىرلەسكەن كاسىپورىن جۇمىس ىستەيدى. ال بيىلعى تاۋار اينالىمىنىڭ 1 ملرد اقش دوللارىنان اسقانى تاراپتار اراسىنداعى ىسكەرلىك بايلانىستاردىڭ وسە جانە نىعايا تۇسكەنىن بايقاتادى.
بۇگىنگى تاڭدا شاعىن عانا ساران قالاسى ينۆەستورلاردى ماگنيتشە تارتقان قۇتتى مەكەن بولىپ تۇر. جوعارىدا ايتىلعان شينا شىعاراتىن كاسىپورىننان باسقا, قالاداعى بۇرىنعى رەزينا-تەحنيكالىق بۇيىمدارى زاۋىتىنىڭ اۋماعىندا قىتايلىق Yutong كومپانياسىمەن بىرلەسىپ اۆتوبۋس شىعاراتىن جاڭا زاۋىت سالىنىپ جاتىر. جوسپار بويىنشا كاسىپورىن جىل سوڭىنا تامان ءوزىنىڭ العاشقى ءونىمىن شىعارماقشى. جوبا جۇزەگە اسىرىلعاندا 1 100 ادام جۇمىسپەن قامتىلادى دەگەن بولجام بار. زاۋىت جوبالىق قۋاتىنا سايكەس, جىلىنا 1 200 اۆتوبۋس جانە 500 ارنايى تەحنيكا شىعارا الادى. دايىن ءونىم ەل اۋماعىندا ساتىلادى, سونداي-اق جاقىن شەتەلدەرگە ەكسپورتتالۋى مۇمكىن.
جالپى العاندا, سارانداعى بۇل جارقىن جوبالار ىسكە اسقاندا, شاعىن قالانىڭ يندۋستريالىق ايماعىن عانا ەمەس, ونىڭ الەۋمەتتىك جاعدايىن دا جانداندىرۋعا يگى ىقپالىن تيگىزەدى دەگەن ءۇمىت بار.
قاراعاندى وبلىسى
