تاياۋدا Jas Otan جاستار قاناتى قاراعاندى وبلىستىق فيليالىنىڭ بەلسەندى مۇشەلەرى قاراعاندى مەديتسينالىق ۋنيۆەرسيتەتىنىڭ, اكادەميك ە.بوكەتوۆ اتىنداعى قاراعاندى ۋنيۆەرسيتەتىنىڭ جانە قازتۇتىنۋوداعىنىڭ ەكونوميكالىق ۋنيۆەرسيتەتىنىڭ ستۋدەنتتەرى تۇراتىن جاتاقحانالاردىڭ جاعدايىمەن تانىستى.
قاراعاندىلىق جاسوتانشىلاردىڭ جەتەكشىسى ەرجان حاميتوۆ رەيد جاساردىڭ الدىندا اتالعان جوعارى وقۋ ورىندارىنىڭ باسشىلارىنا حاباردار ەتكەندەرىن ايتادى.
– ءبىز جاتاقحانالاردىڭ جاي-كۇيىمەن تانىسىپ, جاستاردىڭ قالاي ءومىر ءسۇرىپ جاتقانىن كوردىك. ولاردى قانداي ماسەلەلەردىڭ مازالايتىنىن سۇراپ بىلدىك. مونيتورينگ ناتيجەلەرى بويىنشا جاتاقحانالارداعى جاعداي وقۋ ورىندارىنىڭ باسشىلارىنا باياندالدى, – دەدى ول.
مونيتورينگ بارىسىندا جوو باسشىلارىنىڭ ستۋدەنتتەردىڭ تۇرمىسىنا ەرەكشە نازار اۋدارا باستاعاندارى بايقالعان. مىسالى, رەيد جۇرگىزىلگەن جاتاقحانالاردىڭ باسىم بولىگىندە ستۋدەنتتەردىڭ تۇرمىستىق جاعدايى جاقسى دەڭگەيدە بولىپ شىققان.
Jas Otan جاستار قاناتى قاراعاندى وبلىستىق فيليالىنىڭ بەلسەندى مۇشەلەرىنەن قۇرالعان ءموبيلدى توپ الداعى ۋاقىتتا وبلىستىڭ جاتاقحانالارىنا تۇگەل رەيد جۇرگىزىپ, ستۋدەنتتەردىڭ تۇرمىستىق جاعدايىمەن تەرەڭىرەك تانىسۋدى جوسپارلاپ وتىر.
قاراعاندى
