داشبورد حالىقتى جۇمىسپەن قامتۋ, ەڭبەك, كوشى-قون جانە الەۋمەتتىك قامتاماسىز ەتۋ بويىنشا وزەكتى ستاتيستيكالىق دەرەكتەردى كورسەتەدى, ولار ۇلتتىق ستاتيستيكا بيۋروسىنىڭ, قر ەڭبەك جانە الەۋمەتتىك قورعاۋ مينيسترلىگىنىڭ اقپاراتتىق جۇيەلەرىنىڭ, سونداي-اق ەلەكتروندىق ەڭبەك بيرجاسىنىڭ (enbek.kz) دەرەكتەرى نەگىزىندە ۇنەمى جاڭارتىلىپ وتىرادى.
داشبوردتى ىسكە قوسۋدىڭ نەگىزگى ماقساتى اشىقتىقتى ارتتىرۋ, ەڭبەك نارىعى مەن الەۋمەتتىك سالا تۋرالى بىرەگەي اقپاراتقا قول جەتكىزۋدى جەڭىلدەتۋ بولىپ تابىلادى.
«مەملەكەت باسشىسى قاسىم-جومارت توقاەۆ جىل سايىنعى قازاقستان حالقىنا جولداۋىندا: «اقپاراتتىڭ اشىقتىعى ازاماتتاردىڭ كەڭ اۋقىمىن مەملەكەتتىك ساياسات شارالارىن ىسكە اسىرۋ پروتسەسىنە تارتۋدىڭ كەپىلى بولىپ تابىلادى»,-دەپ اتاپ وتكەن بولاتىن. اشىقتىق پەن قوعامعا ەسەپ بەرۋدى قامتاماسىز ەتۋ – بۇل مەملەكەتتىك ورگاندار مەن كۆازيمەملەكەتتىك سەكتور قىزمەتىندەگى باسىمدىق. وسىعان بايلانىستى, ەڭبەك جانە الەۋمەتتىك قامتاماسىز ەتۋ نارىعى تۋرالى اقپاراتتىڭ باستاپقى كوزى رەتىندە ەردو الەۋمەتتىك-ەڭبەك سالاسى بويىنشا وزەكتى جانە ناقتى اقپاراتتى قامتاماسىز ەتۋدى ءوز الدىنا مىندەت قويادى», – دەپ اتاپ ءوتتى ەردو باسشىسى داۋلەت ارعىندىقوۆ.
پانەلدە ستاتيكالىق كورسەتكىشتەر عانا ەمەس, الدىڭعى كەزەڭمەن سالىستىرعاندا ولاردىڭ ديناميكاسى دا كورسەتىلەدى. سونداي-اق, پايدالانۋشىلارعا دەرەكتەردى ودان ءارى پايدالانۋ ءۇشىن سوڭعى 5 جىلداعى ديناميكامەن بىرىكتىرە جۇكتەۋ مۇمكىندىگى بەرىلەدى.
«ساپالى جانە سەنىمدى دەرەكتەر زەرتتەۋلەر جۇرگىزۋ, گيپوتەزالاردى راستاۋ, شەشىمدەر قابىلداۋ پروتسەسى, ەلىمىزدەگى اعىمداعى جاعدايدى باعالاۋ ءۇشىن نەگىز بولىپ تابىلادى. اقپاراتقا شەكتەۋلى قول جەتىمدىلىك بۇعان كەدەرگى كەلتىرۋى مۇمكىن. سوندىقتان ءبىز ەردو سايتىندا باق, ساراپشىلار قاۋىمداستىعى جانە قاراپايىم ازاماتتار ءۇشىن ىڭعايلى اقپارات كوزى بولۋى ءتيىس داشبورد قۇردىق. ءبىز ودان ءارى ونىڭ «پايدالانۋعا جارامدىلىعىن» قامتاماسىز ەتۋ ءۇشىن پايدالانۋشىلاردىڭ قاجەتتىلىكتەرىنە قاراي قارقىندى جۇمىس ىستەۋدى جانە جەتىلدىرۋدى جالعاستىرامىز», – دەپ اتاپ ءوتتى ەردو ستراتەگيا جانە جوبالىق باسقارۋ دەپارتامەنتىنىڭ ديرەكتورى الەكساندرا مولچانوۆسكايا.
ەردو ساراپشىلاردى, تالداۋشىلاردى جانە باسقا دا مۇددەلى ازاماتتاردى داشبوردتىڭ تەستىلىك نۇسقاسىن جەتىلدىرۋگە قاتىسۋعا شاقىرادى. سەرۆيستى جاقسارتۋ بويىنشا پىكىرلەر مەن تىلەكتەردى e-mail: a.molchanovskaya@enbek.kz پوشتاسىنا جىبەرۋگە بولادى.
