ءبىلىم • 05 قاراشا، 2020

مەكتەپ وقۋشىلارىنا قانداي ءىس-شارالار ۇيىمداستىرىلادى؟

1531 رەت كورسەتىلدى

وقۋشىلار دەمالىسى ەلوردادا "قازاقستان بالالارى – كۇزگى ينتەراكتيۆ!" ۇرانىمەن وتەدى، دەپ حابارلايدى Egemen.kz

ءار مەكتەپتە ارنايى ءىس-شارالار جوسپارى جاسالعان، ونىڭ شەڭبەرىندە قۇقىق قورعاۋ ۇيىمدارىنىڭ كەڭەستەرى، قازاقستاننىڭ جوعارى وقۋ ورىندارى مەن كوللەدجدەرىنە ۆيرتۋالدى ساياحاتتار، چەللەندجدەر، تانىمال سپورتشىلارمەن كەزدەسۋلەر، 3D مودەلدەۋ جانە روبوتوتەحنيكا بويىنشا ماستەر-ترەنينگتەر، قولدان جاسالعان بۇيىمدار مەن سۋرەتتەر كورمەلەرى وتكىزىلەدى. كارانتين شارالارى قاتاڭداتىلۋىنا بايلانىستى بارلىق ءىس-شارالار ونلاين رەجيمدە وتەدى. بۇل تۋرالى بريفينگ بارىسىندا ءبىلىم باسقارماسى باسشىسى شولپان قادىروۆا مالىمدەدى.

"20 قازان مەن 20 قاراشا ارالىعىندا، ياعني كۇزگى دەمالىس كەزىندە ءبىلىم بەرۋ ۇيىمدارىندا دۇنيەجۇزىلىك بالالار كۇنىنە ارنالعان "بالا قۇقىعى – ادام قۇقىعى" ايلىعى وتەدى. ءىس-شارالار، ءبىرىنشى كەزەكتە، قۇقىقتىق اقپاراتتاندىرۋعا، وقۋشىلاردى شىعارماشىلىق جانە زياتكەرلىك دامىتۋعا، وتباسىلىق قۇندىلىقتاردى نىعايتۋعا، ومىرلىك قيىن جاعدايعا تاپ بولعان بالالار مەن وتباسىلار ءۇشىن قايىرىمدىلىق ءىس-شارالارىن ۇيىمداستىرۋعا باعىتتالعان"، دەپ ءتۇسىندىردى شولپان قادىروۆا.

سونداي-اق 1 قاراشادا "دۇرىس تاماقتانۋ مەكتەبى" جوباسى اياسىندا قالا مەكتەپتەرىنىڭ وقۋشىلارى اراسىندا چەللەندج ىسكە قوسىلدى، ونىڭ نەگىزگى ماقساتى – دۇرىس تاماقتانۋدى ناسيحاتتاۋ. بۇل جاس ۇرپاقتىڭ سالاۋاتتى جانە مىقتى بولىپ وسۋىنە كومەكتەسەتىن جاقسى ادەتتەر مەن داعدىلاردى قالىپتاستىرۋعا اسەر ەتەدى. الەۋمەتتىك جەلىلەردە بارىنشا تاراتۋ ارقىلى "بەس اسىل ءىس" قايىرىمدىلىق چەللەندجى باستالادى. ءىس-شارانىڭ نەگىزگى ماقساتى-بالالاردىڭ باسقالارعا جاقسىلىق جاساۋعا دەگەن ۇمتىلىسىن وياتۋ.

"9 قاراشادا وقۋشىلاردىڭ ۇلى ابايدىڭ شىعارماشىلىعىنا قىزىعۋشىلىعىن ارتتىرۋ ماقساتىمەن، «ابايدىڭ كىشى اكادەمياسى» جوباسىنىڭ اياسىندا #besasylis حەشتەگىمەن «مەن ابايدى جىرلايمىن» چەللەندجى باستالادى، ونىڭ باستى مىندەتى: قارتتار مەن مۇقتاج ادامدارعا كومەك كورسەتۋ"، دەدى شولپان قادىروۆا.

سونداي-اق باسقارما باسشىسى قوسىمشا ءبىلىم بەرۋ ۇيىمدارى كۇزگى كانيكۋل كەزىندە ءوز جۇمىسىن ادەتتەگىدەي 10 ستۋدەنتتەن اسپايتىن كەزەكشى توپتاردا، ساعات 9.00-دەن 18.00-گە دەيىن، سونداي-اق ونلاين رەجيمدە، بەكىتىلگەن كەستەگە سايكەس جالعاستىراتىنىن اتاپ ءوتتى. كارانتين شارالارى قاتاڭداتىلعاندىعىنا بايلانىستى ءبىلىم بەرۋ ورتالىقتارىندا ورنالاسقان قوسىمشا ءبىلىم بەرۋ ۇيىمدارى فيليالدارىنىڭ جانە قوعامدىق ورتالىقتاردىڭ جۇمىسى توقتاتىلدى.

سوڭعى جاڭالىقتار

ىندەت قايتا ءورشىدى

الەم • بۇگىن، 20:44

ليسيچانسك كىمنىڭ قولىندا؟

الەم • بۇگىن، 20:41

وڭىردە دامۋ ءۇردىسى بار

ايماقتار • بۇگىن، 20:27

تاڭدايدىڭ تارلانى

تاريح • بۇگىن، 20:24

جوعالعان سولدات

تاريح • بۇگىن، 20:22

ساناداعى سىلكىنىس نەمەسە كۇرەسكەردىڭ قالىپتاسۋى

احمەت بايتۇرسىن ۇلى • بۇگىن، 20:18

دومبىرانى دارىپتەدى

رۋحانيات • بۇگىن، 20:00

الماتىدا 36 گرادۋس ىستىق بولادى

اۋا رايى • بۇگىن، 16:40

بۇگىن - ۇلتتىق دومبىرا كۇنى

قازاقستان • بۇگىن، 08:50

ۇقساس جاڭالىقتار