سولتۇستىكتەگى احۋال ۇكىمەتتى دە الاڭداتىپ وتىر. كەشە COVID-19-دىڭ تارالۋىنا جول بەرمەۋ ماسەلەلەرى جونىندەگى ۆەدومستۆوارالىق كوميسسيانىڭ توراعاسى, پرەمەر-ءمينيستردىڭ ورىنباسارى ەرالى توعجانوۆ جۇمىس ساپارىمەن وبلىستا بولدى. ۆيتسە-پرەمەردىڭ ساپارى تۋرالى اقپارات جۋرناليستەرگە پرەمەر-ءمينيستردىڭ ءباسپاسوز قىزمەتىمەن بىرلەسىپ بەرىلدى. وندا ە.توعجانوۆ الدىمەن وبلىستىق كوپسالالى بالالار اۋرۋحاناسىندا بولىپ, ءوڭىردىڭ كوروناۆيرۋس ينفەكتسياسىنىڭ ەكىنشى تولقىنىنا دايىندىعى بويىنشا جۇمىستارىن تەكسەرگەنى ايتىلعان.
سونداي-اق ەلدىڭ وڭتۇستىك جانە باتىس وڭىرلەرىنەن كەلگەن جاس مەديتسينا قىزمەتكەرلەرىمەن كەزدەسۋ وتكىزدى. ۆيتسە-پرەمەر وڭىردەگى ەپيدەميالىق جاعداي بويىنشا وبلىس باسشىلىعىمەن كەڭەس وتكىزىپ, وبلىس اكىمى قۇمار اقساقالوۆتىڭ, جەرگىلىكتى مەملەكەتتىك ورگاندار باسشىلارىنىڭ قابىلدانىپ جاتقان شارالار تۋرالى ەسەبىن تىڭدادى. ءوزىنىڭ سوزىندە ەرالى توعجانوۆ وڭىردە تىركەلگەن سOVID-19 فاكتىلەرى سانىنىڭ ارتىپ وتىرعانىن اتاپ ءوتتى. كەيبىر اۋدانداردا ول وتكەن ايمەن سالىستىرعاندا 4,7 ەسە وسكەن. سوندىقتان ۆيتسە-پرەمەر جەرگىلىكتى بيلىك ورگاندارىنىڭ ايماقتاعى ەپيدەميالىق جاعدايدى تۇراقتاندىرۋعا كۇش جۇمىلدىرۋ قاجەتتىگىن اتاپ ءوتتى.
Cونىمەن قاتار سOVID-19-دى شەتەلدەن جۇقتىرىپ كەلۋ جاعدايلارىنىڭ جالعاسىپ جاتقانىن ەسكەرە وتىرىپ, ۆەدومستۆوارالىق كوميسسيا بيىلعى 9 قاراشادان باستاپ سولتۇستىك قازاقستان بويىنشا حالىقارالىق ەكى جاقتى جانە ترانزيتتىك جۇك تاسىمالدارىن جۇزەگە اسىراتىن جۇرگىزۋشىلەر ءۇشىن تەرىس ناتيجەسى بار پتر تەستىلەۋ تۋرالى انىقتامانى مىندەتتى تۇردە ۇسىنۋ جونىندەگى تالاپتى ەنگىزۋ تۋرالى شەشىم قابىلدادى. قازاقستان ازاماتتارىنىڭ مۇنداي انىقتاماسى بولماعان جاعدايدا, جۇك تاسىمالداۋشىلار پتر-تەست ناتيجەلەرى دايىن بولعانعا دەيىن 2 تاۋلىككە كارانتيندە بولادى.
ۆەدومستۆوارالىق كوميسسيا وبلىس اكىمدىگىنە وسى جىلدىڭ 9 قاراشاسىنان باستاپ بىرقاتار شەكتەۋ شارالارىن قابىلداۋدى, اتاپ ايتقاندا, پەتروپاۆل قالاسىنىڭ پەريمەترى بويىنشا بلوك-بەكەتتەر ورناتا وتىرىپ كارانتين ەنگىزۋدى; كۇن سايىنعى ءوسىمى 10-نان استام جاعدايدى قۇرايتىن ەلدى مەكەندەردە سانيتارلىق بلوك-بەكەتتەر ورناتۋدى; پەتروپاۆل ‒ الماتى باعىتى بويىنشا تەمىر جول تاسىمالدارىن اپتاسىنا 7-دەن 3 رەتكە دەيىن قىسقارتۋدى; وبلىس ىشىندە جولاۋشىلار تەمىر جول قۇرامدارىنىڭ ايالداۋىنا تىيىم سالۋدى; پەتروپاۆل قالاسىنان شىعاتىن اۋە جولاۋشىلارى ءۇشىن تەرىس ناتيجەسى بار پتر انىقتاماسىنىڭ بولۋىن مىندەتتەۋدى; ءدىني وبەكتىلەردىڭ, تەاترلاردىڭ, كينوتەاترلاردىڭ, مادەنيەت وبەكتىلەرىنىڭ قىزمەتىن توقتاتا تۇرۋدى; جۇمىس كۇندەرى ءۇي-جايلارداعى قوعامدىق تاماقتاندىرۋ وبەكتىلەرىنىڭ جۇمىسىن ءبىر مەزگىلدە 30-دان اسپايتىن كەلۋشىلەر بولعان جاعدايدا, 30-دان كەم ورىندى وبەكتىلەر ءۇشىن ەسەپتىك ورىنداردىڭ 50%-ىنان اسپايتىن جاعدايدا ساعات 8.00-دەن 21.00-گە دەيىن شەكتەۋدى; ساۋدا ۇيلەرى, ساۋدا ورتالىقتارى, اۋدانى 500 شارشى مەتردەن استام ازىق-ت ۇلىكتىك ەمەس دۇكەندەر جۇمىسىن ساعات 10:00-دەن 20:00-گە دەيىن شەكتەۋدى; دەمالىس كۇندەرى قوعامدىق تاماقتانۋ وبەكتىلەرىنىڭ جۇمىسىن تاپسىرىس بەرۋشىگە جەتكىزۋ نىسانىنا اۋىستىرۋ ارقىلى ساعات 08:00-دەن 21:00 ساعاتقا دەيىن شەكتەۋدى; دەمالىس جانە مەرەكە كۇندەرى ساۋدا ۇيلەرى, ساۋدا ورتالىقتارى, اۋدانى 500 شارشى مەتردەن اساتىن ازىق-ت ۇلىكتىك ەمەس دۇكەندەر جۇمىسىن شەكتەۋدى; جەكسەنبى كۇندەرى سۇلۋلىق سالوندارىنىڭ, شاشتارازداردىڭ, باسسەيندەردىڭ, فيتنەس-كلۋبتاردىڭ, جاتتىعۋ زالدارىنىڭ جۇمىستارىن شەكتەۋدى; وفلاين كەڭەستەر وتكىزۋگە تىيىم سالۋدى; قىزمەتكەرلەردىڭ كەمىندە 80%-ىن قاشىقتان جۇمىس ىستەۋ فورماتىنا اۋىستىرۋدى; اۋەجايلارعا, تەمىر جول ۆوكزالدارىنا كۇتىپ الاتىن جانە شىعارىپ سالاتىن تۇلعالاردى كىرگىزۋگە تىيىم سالۋدى (بيلەت بولعان جاعدايدا عانا وتكىزۋدى); 65 جاستان اسقان ادامدارعا ازىق-ت ۇلىكتى, ءبىرىنشى كەزەكتە قاجەتتى تاۋارلاردى, ءدارى-دارمەكتەردى جانە مەديتسينالىق بۇيىمداردى ساتىپ الۋ جاعدايلارىن قوسپاعاندا, اسا قاجەتتىلىكسىز تۇرعىلىقتى جەرىنەن شىقپاۋدى ۇسىنۋدى; سونداي-اق كارانتين رەجىمىن ساقتاۋ جونىندەگى مونيتورينگتىك توپتاردىڭ جۇمىسىن, اتاپ ايتقاندا, پەتروپاۆل قالاسى, ايىرتاۋ, اققايىڭ, اقجار اۋداندارىندا كۇشەيتۋدى; كارانتين رەجىمىن ساقتاۋ قاجەتتىلىگى تۋرالى حالىق اراسىندا اقپاراتتىق-ءتۇسىندىرۋ جۇمىستارىن كۇشەيتۋدى; وبلىس تۇرعىندارىن پتر تەستىلەۋمەن قامتۋ كولەمىن ارتتىرۋ تاپسىردى.
ساپار بارىسىندا پرەمەر-ءمينيستردىڭ ورىنباسارى 200 ورىندىق جاڭا مودۋلدىك ينفەكتسيالىق اۋرۋحانانىڭ اشىلۋىنا قاتىستى.
سولتۇستىك قازاقستان وبلىسى
